سلێمانی یاد 80 ساڵ وەبان دامەزریان کتاوخانە گشتیەگەی کەێد... چرای رووشنهویری و زانستە
شەفەق نیوز/ ئمڕوو شەممە، شار سلێمانی وەبوونەی 80 ساڵەی دامەزریان کتاوخانەی گشتی، وە ئامادەبوین وەزیر ڕووشنهوییری و گەنجەیل حکومەت هەرێمی کوردستان، حەمە سەعید، و پارێزگار سلێمانی، هەڤاڵ ئەبوبەکر، وەگەرد بڕیگ کەسایەتی ناسریاس رووشنهویری و ئەدەبی و میدیایی.
وەڕێوەبەر کتاوخانەی گشتی سلێمانی، ئالان ڕەئوف، ئەرا ئاژانس شەفەق نیوز وت: “ئاهەنگەگەی ئمڕوو ئەرا خستن رووشنایی وەبان ئەو میرات رووشنهویرییە دێرینە تیەێد کە کتاوخانەگە نوێنەرایەتی کەێد لە ماوەی هەشت دەیەی گوزەشتە” وتیش: “مەراسیمەگە رێزلینان لە شمارەیگ وەڕێوەبەر وەرین لەناوی بوی کە ئی دامەزراوە کولتوورییە وەڕیەو بردنە”.
وتیش: "کتاوبخانەی گشتی لە سلێمانی تەنیا کتاوخانەیگ تەقلیدی نییە، بەڵکم وە چرایگ رووشنهویری و مەعریفە لە هەرێمی کوردستان و ناوچەگە دانریەێد، کە بەشداری داشتیە لە قایمکردن بزووتنەوەی رووشنهویری و فیکری و دابینکردن سەرچەوەیل زانیاری ئەرا یەک لە دویای یەکەیل خوەنەوارەیل ئەکادیمی و توێژەران."
لە وتار وەرپرسەیل لەناو ئاهەنگەگە دووپات لەوە کردن کە کتاەخانەی گشتی سلێمانی یەکیگە لە دیارترین شوسنەوارە رووشنهویری و شارستانییەیل ناوچەگە، کە وەزیر رووشنهویری وە “سیمبولبگ رووشنهویری کە هەڵگر یادەوەری شوین ئایەم” باسی کرد، لە وەختیگ پارێزگار سلێمانی باس ئەوە کرد کە “کتغوخانەگە لە سەرەتای دامەزریانی ئەرکیگ جەوهەری لە بڵاوکردن هووشیاری و رووشنگەری داشتیە، و تا ئمڕوویش وەردەوامە لە ڕۆڵ گرنگ خوەی.”
چالاکییەیل بریتی بوین لە رێزلینان لە وەڕێوەبەرانی وەرین کتاوخانەگە کە لە قۆناغە جیاوازەیل سەرپەرشتی وەڕێوەبردن کتێبخانەگە کردنە، جویر پبزانینیگ ئەرا تەقەلایان لە پشتگیریکردن گەشتە کولتوورییەگەی و بەرزکردن خزمەتگوزارییەیلی خوەنەوارەیل و توێژەرەیل.
چالاکییەیل ئاهەنگەگە لە ناوەین وتارەیل باسکردن گرنگی کتاوخانەگە و ئەرک میژوویی و نمایشەیل بەڵگەنامەکردن گەشەسەنین لە ماوەی دەیان ساڵ جیاواز بوین.
کتاوخانەی گشتی سلێمانی لە ساڵ 1944 جویر یەکیگ لە یەکەم کتاوخانەیل هەرێم کوردستان دامەزریا و هەر لە سەرەتای دامەزریانی ئامانج بڵاوکردن کەلتور و زانیاری بویە لە ناو مەردم.
کتاوخانەگە لە سەرەتا بڕیگ کتاو سنووردار لەناوی بوی، بەڵام وەدرویژایی ساڵەیل فراوانترەو بوی و ئمڕوو هەزاران کتاو و دەسنویس وەنرخ لە بوارە جیاجیایل زانست دیرێد.
کتاوخانەگە بەشداری کرد لە پاڵپشتیکردن بزووتنەوەی رووشنهویری و لە سلێمانی، کە بویە شوینیگ سەرەکی ئەرا خوەنەوارەیل و توێژەرەیل و ئەوانەگ ئارەزوو رووشنهویری دیرن، و گەشەسەنین وەردەوام لە خزمەتگوزاریی وەخووی دیە، لەوانە ناسانن تەکنەلۆژیای مۆدێرن و وازکردن بەشە تایبەتمەنیەیل ئەرا پاڵپشتیکردن توێژینەوەی زانستی و فیکری.
ئی ئاهەنگ هەشتا ساڵە وە بڕگەیگ گرنگ دانریەێد ئەرا بەرز نرخانن ئەو میراتە کە کتاوخانە لە کۆمەڵگەی کوردی وەجی هیشتیە، و نووەوکردن پابەندبوینی وە ئەرک خوەی جویر ناوەندێیگ رووشنهویری کاریگەر کە گەشەسەنین فیکری لە ناوچەگە بەرزەو کەێد.
