سزیان ئەمارەیگ پاکەوکەرەیل لە هەولێر
2024-05-24T08:38:48+00:00
شەفەق نیوز/ وەڕیەوبەرایەتی وەرگری شارستانی لە پارێزگای هەولێر پایتەخت هەرێم کوردستان، ئمڕوو جمعە، خەوەردا لە هیزگردن ئاگر لەناو ئەمارەیگ ئەرا مادەیل پاکەوکەر لە پشت ناوچەی قەڵای نوو لە ناحیەی کەسنەزان باکوور هەولێر.
وەگورەی ئەو زانیارییەیلە کە رەسینە، ئاگرەگە شەوەکی ئمڕوو لەناو ئەمارەگە هیز گردیە، و وەتەواوی سزانەیر وەرجەیەگ تیمەیل وەرگری شارستانی کپیەو بکەن.
هوکار ئاگرەگە چوودەو ئەرا کارخانەیگ لە شان ئەمارەگە کە کاغەز رپ هاناوی.
وەگورەی راپۆرتەیل وەڕیەوبەرایەتی وەرگری شارستانی لە هەولێر، لە سەرتای ساڵ ٢٠٢٤ تا کۆتایی مانگ ئازار، دەیان رویداو ئاگر بویە، زەرەد وە ملیارا دینار رەسانیە و سێ کەسیش لەناویان مردنە.
