سزیان سەموونخانەیگ لە خانەقین

شەفەق نیوز/ تیمەیل وەرگری شارستانی، شەوەکی ئمڕوو دووشەممە، تەقەلای کپەوکردن ئاگر ناو سەموونخانەیگ لە شار خانەقین دەن.

پەیامنێر ئاژانس شەفەق نیوز وت: شەوەکی ئمڕوو، ئاگر لە سەموونخانەی (پاشا کری) ناوڕاس شار خانەقین، هیز گرد.پەیامنێرمان وتیش؛ تیمەیل وەرگری شارستانی رەسینە شوین رویداوەگە، و تەقەلای کپەوکردن ئاگرەگە دەن، و ستوین دویکەڵ لە گشت شوینەیل شارەگە دیار دەێد.

وتیش: خەوەر لە زەخمداری کەسیگ نەڕەسیە، وەلێ دیارە کە بان بيناي سەموونخانەگە سزێد.