ساسان عەونی: هویچ گرفتیگ لە ئاو نووشین سلێمانی نییە
2022-06-23T13:05:38+00:00
شەفەق نیوز/ وەزیر شارەوانی و گەشتوگوزار حکومەت هەرێم کوردستان، ئمڕوو پەنجشەممە، دڵنیایی لەباوەت ئاو نووشین شارەگە دەێد و ئوشێد هویچ گرفتیگ نییە لەئاو نووشین شارەگە، گشتی پاکە و فلتەر کریایە.
ساسان عەونی، وەزیر شارەوانی و گەشتوگوزار هەرێم لە كۆنفرانسیگ رووژنامەوانی لە شار سلێمانی راگەیان "هویچ گرفتیگ لە ئاو نووشین شارەگە نییە، گشتی پاکەو و فلتەر كریایە، 100% دڵنیایی وەپیمان دریایە لەوباوەتە"، یەیش دویای بڵاوبوین پەتای كۆلێرا ك ئوشرێد وە مدووی پیسی ئاو هاوڵاتییەیل تووشهاتنە.
