زگچین لە سلێمانی بڵاو بوود.. دەسەڵاتەیل بیدەنگن و شاندەیل تەندروسی رەسنە پارێزگاگە
سەرچەوەیگ لە خەسەخانەی شار حکومەتی، ئەرا پەیامنێر ئاژانس شەفەق نیوز وت: وە فەرمان وەزیر تەندروسی لە حکومەت هەرێم کوردستان،دەسەگە رەسیە سلێمانی و دەسکردە تاقیکردن ئەرا چەن بیماریگ، و هەمیش سەردان شمارەیگ لە دامەزراوەیل تەندروسی لە پارێزگاگە کرد.
وتیش؛ ئەوەسا دەسەگە تاقیکردن لەو شوینەیلە کەێد ئەرا سەرچەوەیل ئاو لە پارێزگاگە، و خوازین دامەزراوەیل تەندروسی ئەرا نواگیری ئی بیماریە دابین کەێد.
سەرچەوەگە دیاری کرد کە گشت ئەو بیمارەیلە وە زگچین ئەرا تاقیکردن فیدراڵی کل کریان، و بەشیگیان ئەنجامەگەی دەرچگ، باوجی تا ئیسە هویچ تویشهاتنیگ وە کولێرا دەرنەکفتیە.
سەرچەوەگە دووپات کرد کە دەسەی تەندروسی ئەوەسا بڕیگ تەمەی و بڕیار تەندروسی دەێد کە بایەسە جیوەجی بکریەن تا نواگیری ئی بیماریە بکریەێد.
فرەی وەرپرسەیل لە تەندروسی سلێمانی رازی نەوین باسیگ لەو باوەتە بکەن، وەلێ پشدەر عەبدولڵا وەڕیەوبەر خەسەخانەی مناڵ لە سلێمانی ئەرا پەیامنێر ئاژانس شەفەق نیوز وت: فرەی هوکارەیل بیماریەکە ڤایرۆسیە وەبی قسەکەرن لە هویردەکاریەیلیگ زیاتر.
هەرچەن خەوەر بڵاوبوین بیماریەگە لەناو مەردم بڵاو بویە، باوجی هویچ روونکردنیگ وەلایەن دامودەزگایل تەندروسی لە پارێزگای سلێمانی لەباوەتەگە دیار نەوی، کە رخیگ خستە ناو هاووڵاتیەیل لە هوکارەیل بڵاوبوین ئی بیماریە.
رووژ یەکشەممەی گوزەشتە، وەڕیەوبەرایەتی تەندروسی سلێمانی، زیایبوین وەرچەویگ لە تویشهاتنەیل زگچین و ئەڵاوردن راگەیان.
