زەردیگ وە بڕەو.. داوەزیان نرخ مامر نیگەرانی ئەرا ئیوەتکەرەیلی لە کوردستان دروسکەێد
شەفەق نیوز/ نرخ مامر زینگ لە بازارەیل ناوخوەی هەرێم کودستان، ئمڕوو چوارشەممە، داوەزیان توومارکرد، لەناوەین داوەزیان داواکاری و زیایبوین کاڵا، و کاریگەری نەرێنی لەبان قازانج ئیوەتکەرەیلی دیرێد.
وەی مەبەستە سەرۆک یەکێتی ئیوەکەرەیل مەل نازم عەبدوڵلا لە بەیانیگ ئەرا ئاژانس شەفەق نیوز وت ""نرخ یەک کیلو مامر زینگ رەسیە ئەرا 1900 دينار لە کێلگەیل ئیوەتکردن ناوخوەیەیل".
ئاشکرایکرد "هووکار داوەزیانەگە وە شیوەی سەرەکی گلەوخوەد ئەرا داوەزیان داواکاری و زیایبوین بەرهەمەیل کە وەلایەن کێڵگەیل خریاسە بازاڕ".
دیاریکرد "خاوەن کێڵگە پەلەوەریەیل زەرد گەپیگ وەخوەیان دوینن لە ئەنجام ئێ داوەزیانە، کە هەر یەک کیلوگرام 2500 دینار وەبان خوەیان کەفێد، یەیش ناچاریان کەێد کەمتر لەبڕ تێچگ بەرهەمەگە بفرووشێد".
داوا لە لایەنەیل پەیوەنیدارکەێد "پاڵپشتی کشاوەرزەیل بکەن سیستەم بازاریکردن رێکبخەن" هووشداریدا "وەردەوامبوین بارودۆخەگە لەی کەرتە، کاریگەری وەبان ئاسایش خوەراکی ناوخوەیی دروسکەێد".
