زەخمداری وە تەقینەوەیگ لە سلێمانی
شەفەق نیوز/ تەقینەوەیگ لەناو یەکیگ لە قاوەخانەیل جادەی سالم ناوڕاس شار سلێمانی، بویە هووکار بڕیگ زەخمدار، و قاوەخانەگە رمیا و دوکانەیل شانی زەرەدمەن بوین.
پەیامنێر ئاژانس شەفەق نيوز لە سلێمانی وت: ١٥ کەس زەخمدار بوی، دویای تەقیان بوتڵ گاز لەناو یەکیگ لە قاوەخانەیل شەوانە لە جادەی سالم ناوڕاس شارەگە، و دیاری کرد ک تیمەیل وەرگری شارستانی رەسینە شوین رویداوەگە و توەنستن ئاگرەگە کپەو بکەن و زەخمدارەیل بڕەسننە خەسەخانەی شار.
وەچەودیەیلیگ ئەرا ئاژانس شەفەق نیوز وتن: تەقینەوەگە دویای ساعەت ١٣ی شەو چوارشەممە/ پەنجشەممە بوی، و دویای رەسین وەرگری شارستانی دەرکەفت ک رویداوەگە وە تەقیان بوتڵ گاز لەناو قاوەخانەگە بویە.
وتیش: دوو ژن و دوو کراکار لەناو قاوەخانەگە هانە ناو زەخمدارەیل یەکیگیان ناسنامەی فیلیپینیە و ئەوەکە هۆڵەندی، و هەفت لەلیان رزگار کریا، و یەکیگیان لە رویداوەگە رزگار بوی تا ئەوەنە تیمەیل رزگارکردن رەسین و ئەوەکان دراوردن.
سەرچەوەگە دیاری کرد ک لەناو زەخمدارەیل عەرەو و کورد و بیانی بوین.
