٥٩ زەخمدار لە ئاگرەگەی حەمدانیە رەسینە خەسەخانەیل هەولێر و دهۆك
2023-09-27T11:16:50+00:00
شەفەق نیوز/ فەرمانگەی تەندروسی دهۆک، ئمڕوو چوارشەممە، راگەیان ١٩ زەخمدار دوو مناڵ هاناویان، رەسینە خەسەخانەی سزیان لە شارەگە، لە ئەنجام ئەو ئاگرە کە لە حەمدانیە لە پارێزگای نەینەوا هیز گرد.
حەمزە رزیکی وەرپرس راگەیانن فەرمانگەگە ئەرا ئاژانس شەفەق نیوز وت: کەسیگ لە تەمەن ٢١ ساڵان شەوەکی ئمڕوو لەوەر زەخمەیلی گیانی لەدەسدا، و دیاری کرد کە ئاست سزیان فرەیان رەسێدە ٤٠ تا ٩٠ لەسەد.
لە هەولێر کادرەیل تەندروسی ئەرا ئاژانس شەفەق نیوز وتن: زیاتر لە ٤٠ کەس لە زەخمدارەیل رویداو ئاگر ناو هۆڵ سویرەگە لە حەمدانیە رەسینە خەسەخانەی فریاکەفتن لە شارەگە.
یەکیگ لە زەخمدارەیل رویداوەگە ئەرا ئاژانس شەفەق نیوز وت: لەناو هۆڵەگە بویمن، و نووڕیمنە قەواسەگە ئاگر گرێد، و نەزانستیمن چوین ئاگر هیز گرد، وەتیش: وەماوەی ٥ خولەک گشت هۆڵەگە گوڵپە کرد.
وتیش: ژنەگەم و ئاست ٧٥ لەسەد سزیا، و هەمیش دویەتەگەم و خوەشکەم، و نیەزانم داڵگم چە وەسەری هات کە وەگەردم بوی.
