زەخمداری سێ برا وە مەرافیگ چەکداری له کوردستان
2023-06-02T11:02:08+00:00
شەفەق نیوز/ وەڕیەوبەرایەتی پۆلیس ئیدارەی گەرمیان، ئمڕوو جومعە، خەوەردا لە زەخمداری سێ برا وە مەرافیگ چەکداری ک لەناو خوەیان دروسبویە لە قەزای کفری.
وەڕیەوبەر راگەیانن پۆلیس عەقید مافپەروەر عەلی جەماڵ قەدوری لە بەیانیگ وت، دویەشەو مەرافیگ چەکداری دروسبویە لەناو یەک خیزان لەو قەزا لەنیوان چوار برا دووان وەرانوەر دووان وە مدووی ئەو وردەوەردە لەناویان دروسبویە لەلیان تەقەکردنە لەیەکتری لەئەنجام سێیانیان وە گولە زەخمداربوین.
وەپای بەیانامەگە، زەخمدارەیل چارەسەر پێویست وەرگردنە دویای ئەوەگ ئەرا خەسخانەی کەلار کلکریانە، دیاریکرد پۆلیس قەزای کفری رەسیە شوین رویداوەگە و دەس وە لێکۆڵینەوە کردیە.
عەقید مافپەروەر وتیش، وەپای بڕیار دادوەر و وەگورەی مادەی
405/31 فەرمان دەسگیرکردن ئەرا برایەیلە دەرچگە، وتیش سێ تومەتبارەگە ک زەخمداربوین دەسگیرکریانە و یەکیگیان وایە و پۆلیس تەقەڵای دەسگیرکردنی دەێد.
