زەخمداری دوو کەس وە رویداویگ هاتوچو لەبان ری کەلار ـ خانەقین

شەفەق نیوز/ رویداویگ هاتوچوی لەبان ری کەلار ـ خانەقین، ئمڕوو دووشەممە، رویدا بویە مدوو زەخمداری دوو کەس لە ئەنجام رویداویگ هاتوچوی.

وەڕێوەبەرایەتی هاتوچوی گەرمیان لە بەیاننامەیگ ئاژانس شەفەق نیوز دیەسێ راگەیان، رویداویگ هاتوچوی ئمڕوو شەوەکی لە ئەنجام لەیەکەوداین ماشین (تویۆتا ـ پیک ئاب) کە کە لە قەزای خانەقینەو چگە وەگەرد ماشینیگ (نیسان ـ سەنی) کە لە کەلارەو هاتیە رویدا، لە ئەنجام دوو رانندەگە زەخمداربوین.

وتیش، راندەی یەکەم ماشین (تویۆتا ـ پیک ئاب)  لەداڵگبوی 1968ە و راندەی دویەم کە ماشین (نیسان ـ سەنی) وەپی بویە لە داڵگبوی ساڵ 2001، ئەرا چارەسەرکردن کلکریانە خەستەخانەی خانەقین.

وەڕێوەبەرایەتی هاتوچو دووپاتکرد لێکۆڵینەوە وەردەوامە وەلایەن تیمەیل تایبەت ئەرا زانین هووکار رویداوەگەو چۆنیەتیەگەی و وەرگردن رێکارەیل یاسایی گونجیاگ.