زیایبوین تویشهاتنەیل زگچین وهەڵاوردن و کۆڕۆنا لە کفری
شەفەق نیوز/ کەرت تەندروسی لە قەزای کفری لە ئیدارەی گەرمیان، ئمڕوو سێشەممە، زیایبوین گەورەیگ لە تویشهاتنەیلیگ راگەیان ک گومان لە ڤایرۆس کۆرۆنا وبیماریەیلگتر لەلیان کریەێد.
سۆران کەریم وەڕیەوبەر کەرتەگە ئەرا ئاژانس شەفەق نیوز وت: لە ماوەی ٢٤ سەعات گوزەشتە، ئاشکرای زیایبوین گەورەیگ لە تویشهاتنەیل زگچین وهەڵاوردن وگومان وە تویشهاتنەیل ڤایرۆس کۆرۆنا کریا.
وتیش: ئیکە نیەتوەنیمن راگەیانن لە گشت ئەو تویشهاتنەیل گومانیە بکەیمن ک تویش ڤایرۆس کۆرۆنا هاتنە، تا دویای رەسین ئەنجام وەشکینەیل، باوجی نشانەیل بیماریەگە وەشیوەی ئی پەتا کەن.
کەریم داوا لە وەڕێوەبەرایەتی گشتی تەندروسی ودەسەیل هاوبەش کرد وەهویردی بنووڕنە سەرچەوەیل ئاوەگە وشوین فرووشتن خوەراک، وەگەرد داوای، زیایکردن ساعەتەیل کارەبا، لەوەر بەرزەوبوین پلەی گەرمی لە گەرمیان، چوینکە گەرمیەگە هیلێد لەش گەرمەو بوود، و بەشیگ لە شیوەیل بیماری دروس کەێد.
