زیاتر لە 120 کۆمپانیای ناوخوەیی و ناودەوڵەتی لە پیشانگایگ ناودەوڵەتی لە سلێمانی بەشداری کەێد
شەفەق نیوز/ شار سلێمانی ئامادەکاری کەێد ئەرا پیشوازیکردن لە خول هەڤدەهەم لە پیشانگای ناودەوڵەتی سلێمانی "DBX"، کە لە 18 تا 23 ئەیلوول وەردەوامە.
ژوور بازرگانی و پیشەسازی سلێمانی لە بەیاننامەیگ وت: پیشانگاگە و. چەودیاریکردن حکومەت عراق و حکومت هەرێم کوردستان وەڕیەو چوود، وە سەرپەرشتی ژوور بازرگانی و پیشەسازی سلێمانی، وە بەشداریکردن فراوانیگ لە دامودەزگایل حکومەتی و تایبەت.
وتیش: ئەوەسا بڕیگ لایەن حکومەتی لەناویان پارێزگای سلێمانی و دەزگای بەرهەمهاوردن بەغداد و وەڕیەوبەرایەتی بەرهەمهاوردن پارێزگای سلێمانی - دەزگای بەرهەمهاوردن کوردستان و وەزارەت بازرگانی عراق و وەزارەت بازرگانی و پیشەسازی هەرێم کوردستان و وەزارەت پیشەسازی و کانزایل.
دیاری کرد کە زیاتر لە ١٢٠ کۆمپانیای ناوخوەیی و ناودەوڵەتی لە جویراجویر کەرتەیل لەی پیشانگا بەشداری کەن، وەگەرد پاڵپشتی راگەیانن گەورەیگ لە ناودیارترین دامودەزگایل و کەناڵەیل ئاسمانی.
ئی پیشانگا شوینیگ ساڵانەس ئەرا رویکردن خاوەن کاروبارەیل و شاندەیل حکومەتی لە جویراجویر شارەیل عراق و هەرێم کوردستان، کە رۆڵی جویر سەکوویگ گرنگ قایم کەێد ئەرا تیکەڵبوین بازرگانی و هاوکاری ئابووری.
