زیاتر لە ٩ ملیار دینار ساڵانە ئەرا هەڵگردن گەناڵخە لە هەرێم کوردستان
شەفەق نیوز/ حکومەت هەرێم کوردستان، ئمڕوو دووشەممە، واژووکردن گریەبەسییگ وەگەرد ٣٢ کۆمپانیا راگەیان ئەرا گردەوکردن و چارەکردن گەناڵخە، وە خەرجیگ لە نۆ ملیار دینار رەد کەێد، وباس دروسکردن چەن پڕۆژەیگ ئەرا چارەکردن گەناڵخە کرد، وەگورەی شوین جوگرافیایی بەشەو کریەێد.
فەرمانگەی راگەیانن لە حکومەت هەرێم کوردستان لە بەیاننامیگ رەسیە ئاژانس شەفەق نیوز وت: وەزارەت شارەوانی و گەشتوگوزاری ٣٣ گریەبەسی وەگەرد کۆمپانیایل تایبەت وە گردەوکردن و چارەکردن گەناڵخە واژوو کرد، بایی نۆ ملیار و ٦٦٦ مەلیۆن و ٥٨ هەزار و ٦٣٨ دینار.
و دیاری کرد ک وەزارەتەگە وەرجەیە ٢٨ گریەبەسی وە ١١ ملیار و ٨٨٧ مەلیۆن و ٦٥٠ هەزار و ٤٥٤ دینار مانگانە واژوو کرد، باوجی لەی کابینەی ئیسە، وەگەرد زیایکردن چوار گریەبەسی، خەرجەگە کەمەو کریا، ک زیاتر لە دوو ملیار دینار مانگانە لە گەنجینەی حکومەت هیشت.
