کۆرۆنای کوردستان... سێ مردن و 37 تۊشهاتن
شەفەق نیوز/ وەزارەت تەندروسی لە حکومەت هەرێم کوردستان، ئمڕوو پەنجشەممە، 3 مردن، و 37 تۊشهاتن نوو راگەیان لەماوەی بیس و چوار ساعات گوزەشتە لە گشت ناوچەیل هەرێم.
لە بەیاننامیگ لە وەزارەتەگە رەسیە وە ئاژانس شەفەق نیوز هاتیە تاقیگەیلیان لەماوەی 1712 وشکین نوو ئەنجامدانە تۊشهاتن 37 کەس دەرچگە.
لەبەیاننامەگە دیاری کەێد هەر لەو ماوە 66 تۊشبۊ خاسەوبۊنە لە دۊای وەرگردن چاسەری، و ڕێژەی مردنەیل رووژانە کەمیگ بەرزەوبۊیە لە دۊای توومارکردن 3 مردن نوو لە گشت ناوچەیل هەرێم.
جەم شمارەی ئەو کەسەیلە کەرەنتین کریانە لەماوەی دەرچگن ڤایرۆسەگە ٢١٨٧١ کەسە و تاقیگەیل وەزارەتەگە 4162200 وشکین ئەنجام دانە تۊشهاتن 436831 کەس وە ڤایرۆسەگە دەرچگە.
لە بەیاننامەگە دیاریکرد، جەم خاسەوبۊیەیل لە ڤایرۆسەگە لە ماوەی پەیابۊنی لە هەرێم رەسیە 428879 پسای و 508 تۊشبۊ هانە ژیر چەودێری تەندروسی و جەم شمارەی مردنەیل بەرزەوبۊ ئەرا 7444 پسای مردن لە گشت ناوچەیل هەرێم.
