پەرەلامنتاریگ فەیلی: یاسای پێشنیارکریاگ هەڵبژاردنەگە رەزامەنیە ئەرا گەلەگە
شەفەق نیوز/ مازن عەبدولمنعم فەیلی نوێنەر فراکسیۆن نەهج نیشتمانی، ئمڕوو شەممە، وت: یاسای پێشنیارکریاگ هەڵبژاردنەگە، ک تەگبیرە باسی بکریەێد و بڕیاری بیریەێد لەلایەن پەرلەمان عراق، رەزامەنەیە ئەرا گەلەگە، ومەزەنەکرد ک دیرکەفتنیگ نیەوود لە بڕیایرداین یاساگه لەلایەن فراکسیۆنە سیاسیەگان.
فەیلی ئەرا ئاژانس شەفەق نیوز وت: یاسای هەڵبژاردنەگە وەشیوەی ئیسە ئەرا رادەی گەورایگ رەزامەنیە ئەرا تەما وداوایل گەل عراق، و گشت فراکسیۆنە سیاسیەگان لە گرنگی بڕیارداین یاسای هەڵبرادنەگە زانن ئەرا وەجیهاوردن بنەمایل یەکسانی ئەرا گشت.
فەیلی ئاماژە دا ک تەوەر ناکۆکیەگان ناوبەین فراکسیۆنە سیاسییەگان تا ئیسە خوەی دابەشکردن ودیاریکردن بازنەی هەڵبژاردنەگانە لە گشت پارێزگایگ، وەئیە لە گفتوگۆ و باسەگان یەکلاوە بوود، ودیاریکرد؛ هەر یاسایگ لە پەرلەمان بڕیار نەدریاگە وەبی ناکۆکی و ناڕەزایەتی، و ئەوە سروشت دموکراتی وڵاتەگەس.
دەربارەی دروسکردن حکومەتەگە لەلایەن فراکسیۆنە سەرکەفتگەگە وەگورەی یاسای هەڵبژاردنەگە ک بڕیارە باسی بکریەێد، فەیلی وت: ئەیە لە میدیاگان ژنەفتیمن، وفراکسیۆنە سەرکەفتگەگە لە هەڵبژاردن خوەی حکومەتەگە دروس کەێد، نەگ فراکسیۆنە پەرلەمانیە گەوراگە، وئەیە بریار یەکلاییگ خوازێد لە دادگای فێدڕاڵی ئەرا یەکلاکردنەوەی قسە و ململانە سیاسیەگان.
وتیش؛ تا ئیسە هیچ رووژیگ ئەرا دانیشتن پەرلەمان له باوه‌ت باسکردن یاسای هەڵبژاردن دیاری نەکریاگە.
