رەشید: چارەنویس عراق و هەرێم کوردستان وەیەکەو بەسیاگە و لەیەک جیاوە نیەوون
رەشید لە وتارەگەی لە وازکردن موزەخانەی بارزانی لە هەولێر وت: لە هەولێر میژوو گەلمان پڕە لە سەرکەفتن، و وەدرویژی ساڵەیل خەبات نیشتمانی و نەتەوەی ئی خەباتە فرە لە مەزنەیل نشاد دا، وەپەی خەبات و رەنجیان ری نەتەوەیی و کوردمان وەردەوام بوی ئەرا وەدەسهاوردن ماف گەل کورد، و ئیمە هەر وە گەلیگ ژنی مەنیمن، شانازی وە ریبەرەیلمان کەیمن، وتیش: هەمیشە ئەوان جویر ئەسارەیگ پڕشنگدار لە ئاسمان ئی گەلە بوین، و گشت نەوەیل شانازی وەپیان کەن.
وتیش؛ رویداو و کاردانەوەیل لە ناوچەگە وەگشتی و لە وڵاتەگە وەشیوەی تایبەت سەختیەیل فرەیگ خستە نوای حکومەت هەرێم کوردستان و حکومەت فیدڕاڵی، و هەرێم کوردستان زبان لە جەنگەیل و نا ئارامی سیاسی داشت، و ئمڕوو رەوشەگە جیاوازە، گشتمان تەقەلا دەیمن دەرفەتەگە ئەرا نزیکەوبوینیگ زیاتر وەکار باریمن، وە گفتوگۆیگ ئاشتیانە و برایانە ئەرا بیناکردن وڵاتەگە لە نووەو.
وتیش؛ ئیرنگە ئەو مەوقە هات ک پیکاتەیل عراق وەیەکەو بنیشن، و ناکۆکیەیل بخەیمنە کنار، و بینایگ تەندروس دروس بکەین، و بینا ژیرینەیل وڵاتەگە لە نووەو ئامادە بکەیمن، و عراقیگ بینا بکەیمن، وەتایبەت دروسکردن ئارامی و کەشوهەوای سیاسی ئەرا نەوەیل، وە خستن گشت سامانەیل وڵاتەگە ئەرا خزمەتیان.
وتیش: گرفتەیل فرەیگ لەناوبەین هەولێر و بەغدا هەس، هەمیش بنمایل هاوکاری هەس، و دووپات کرد لە کۆتاییهاوردن وە گشت ناکۆکیەیل و دروسکردن بەرنامەیگ سیاسی ئەرا مسۆگەرکردن مافەیل گەل کوردستان نیشانەی گرنگە ئەرا ئارامی.
وتیش: چارەنویس عراق و هەرێم کوردستان وەیەکەو بەسیاگە و لەیەک جیاوە نیەوون، و دیاری کرد ک عراق ئارام نیەوود وەبی ئارامی کوردستان، و حکومەت کوردستانیش حکومەت فیدڕاڵی خوازێد ئەرا نواگردن سەختیەیل.
