ریخریاییگ ئەمریکی: ئیران و تورکیا 225 سەربازگە لەبان سنوور هەرێم کوردستان دیرن

شەفەق نیوز/ ئەندامیگ تیم کوردستانی عراق لە ریخریاگ ئەمریکی (سی پی تی)، ئمڕوو دووشەممە، ئاشکرا کرد کە ئیران ١٥١ بنکەی سەربازی نوو لە ناوچە سنوورییەیل هەرێم کوردستان دامەزرانیە، دەسنشان ئەوە کەێد کە هیزەیل ئیران لە چوارچیوەی خاک هەرێم وە قویلایی ناوەین ٥ تا ١٠ کیلۆمەتر هاتنەسە ناو، لە وەختیگ تورکیا ٧٤ بنکەی سەربازی لە ناوچەگە دیرێد و هیزەیلی وەقویلی ٣٥ کیلۆمەتر هاتنەسە نوا.

 کامەران عوسمان ئەرا ئاژانس شەفەق نیوز ئاشکرا کرد کە بنکە سەربازییەیل ئیران لە سنوورەیل قەزای مەنەەلی سەر وە پارێزگای دیالە تا ناحیەی سیدەکان لە پارێزگای هەولێر درویژەو بوینە، وتیش: بەشیگ خاڵ سەربازیی ئیران ئەوەنە لە ئاوایە کوردنشینەیلەو نزیکن کە جویلەی سەربازەیل ئیرانی وە ئاسانی لەلای خەڵک ناوچەگەو دیارە.

 وتیش:  ئی بنکەیلە لە ساڵ ٢٠١٢ەو لەلایەن ئیرانەو دامەزریانە، یەیش نشانەس ئەرا ئەوە کە لەشکرکیشی ئیران ئەرا ئەو ناوچەیلە سەختییگ گەورە ئەرا خەڵک ناوچەگە دروس کەێد.

 لەباوەت بویین تورکیا، عوسمان باس ئەوە کرد کە تورکیا وەردەوامە لە دروسکردنی بنکەی سەربازی لە ناوچەگە، کە بویین سەربازی تورکیا تا 35 کیلۆمەتر درویژەو بویە تا قویلایی خاک کورد، یەیش رخ کاریگەرییەیلی لەبان ئاسایش و ئارامی ناوچەگە دروس کەێد.