پەروەردەی کوردستان: پابەند بویمن ئەگەر سوو دەسەی باڵا بڕیار وسانن دەوام مەکتەوەکان دا
2021-02-28T13:02:52+00:00
شەفەق نیوز/ ئالان حەمە سەعید وەزیر پەروەردە لە هەرێم کوردستان، ئمڕوو یەکشەممە، دووپات کرد ک وەزارەتەگە پابەند وە هەر بڕیاریگ لەلایەن دەسەی باڵای نواگردن ڤایڕۆس کۆڕۆنا لە هەرێم بوود.
حەمە سەعید لە وتاریگ ئەرا رووژنامەنووسەیل وت: سوو دووشەممە، ئەوەسا دەسەی باڵای نواگردن ڤایڕۆس کۆڕۆنا کۆبونەوەیگ تر کەێد.
هەمیش وت: ئیمە پابەندیمن وە هەڵسەنگاندن هەڵوێست پەتاگە ک لە وەزارت تەندروسی دەرچوود، و خوەی لایەنە پەیوەندیدارەگەس لەی باوەتە، و وتیش؛ باوجی بڕیارەگان لە گشت دەسەی باڵاگە دەرچوود نەگ لە وەزارت تەندروسی وەتەنیا.
وەزیرەگە هەمیش وت: هەر وەختیگ رەوشەگە رەسیە ئەو ئاستە ک بایەدە دووارە دەوام لە مەکتەوەکان بووسیەێد، ئیمەیش وەوە پابەند بویمن.
