پەروەردەی هەرێم کوردستان رەزامەنی لە پەکخستن دەوام سلێمانی لە جەژن "هالوین" دەێد
شەفەق نیوز/ ئالان حەمە سەعید وەزیر پەروەردەی هەرێم کوردستان، ئمڕوو شەممە، رەزامەنی لەبان داوای وەڕیەوبەر پەروەردەی گشتی لە پارێزگای سلێمانی دا، ئەرا پەکخستن دەوام مەکتەوەیل لە کۆتایی ئی مانگە وەبوونەی جەژن "هالوین".
حەمە سەعید لە کۆنگرەیگ رووژنامەوانی وەگەرد پارێزگار هەولێر لەمەوقەی وازکردن ساوەی مناڵ لە ناحیەی کەسنەزان وت: نەفت چەرمگ رەسیە گشت مەکتەوەیل پارێزگایل هەولێر و دهۆک و هەڵەبجە و لە سلێمانی تەنیا ١٠٠ هەزار بەرمیل مەنهە بەشەو نەکریانە، و لە ناوچەی گەرمیان تەنیا ١٠٠ هەزار بەرمیل بەشەو نەکریانە.
دیاری کرد ک لە بڕ ٨ مەلیۆن بەرمیل نەفت چەرمگ ئەرا مەکتەوەیل ٧ مەلیۆن و ٦٠٠ هەزار بەرمیل بەشەو کردیمنە، و تەنیا چەن سەد هەزا بەرمیلیگ مەنیە، ئەەوەسا لەی رووژەیلە بەشیانەو کەیمن.
پرسیار لە وەزیرەگە لە نیاز وەڕێەوبەرایەتی پەروەردەی سلێمانی کریا ک خوازێد لە کۆتایی مانگ تەشرین یەکەم وەبوونەی ئاهەنگ جەژن هالوین دەوام بووسنێد، وت: یە لە دەسەڵاتەیل وەڕێەوبەرایەتیەیل پەروەردەی گشتیە.
وتیش؛ تەلەفۆن وەڕێەوبەرایەتی پەروەردەی سلێمانی لەی باوەتە کردم، و وەپیان وتم: یە لە دەسەڵات خوەدانە، وتوەنین ئەو کارە بکەین، چ ئیوە یا هەر وەڕێەوبەرایەتییگ.
هالوین، جەژنیگە ک ئەمریکیەیل لە ٣١ تەشرین یەکەم ئاهەنگ وەپی کەن، و دڵنگ وەشیوەی پاڵەوانەیل فیلمەیل رخبەر و کەسایەتیەیل توانا باڵا کەن، و ئی ئاهەنگە رەسیە وڵاتەیلیگتر لە جەهان.
مناڵەیل پڕتاڵ ئەڵاجەوییگ پووشن، و دەموچاویان وە ماسک پووشن، و دەرچنە ئاهەنگەیل و شیرینی گردەو کەن.
