رویداویگ هاتوچو کۆتایی وە ژیان دوو کەس تیارێد یەکیگیان رووژنامەوان ناودیاریگە

شەفەق نیوز/ ری عەربەت ـ سلێمانی، شەوەکی ئمڕوو پەنجشەممە، رویداویگ هاتوچو رخبەر وەخوەیدی، لە ئەنجام دوو کەس گیان لەدەسدان کە یەکیگیان رووژنامەوانە "وریا حەمە کەریم"، دەسڵاتدارەیل وەختانە ریەگە بەسانە و رێکار دەسوەجی وەرگردن.

وەڕێوەبەرایەتی هاتوچو سلێمانی لە بەیاننامیگ راگەیان " رویداویگ هاتوچوی  ئمڕوو شەوەکی، وەرجە رەسین وە  خاڵ وشکنین عەبەت رویدا وە لەیەکەوداین بارهەڵگریگ وە دوو ماشین، لەئەنجام دوو کەس گیان لەدەسدا دەسوەجی، یەکیگیان رووژنامەوان وریا حەمە کەریمە".

وەڕێوەبەرایەتیەگە ئاشکرایکرد، "رویداوەگە لە ئەنجام کۆنترۆل لەدەسداین رانندەی بارهەڵگرەگە دروسبویە و بویە مدوو لەیەکەودان سەختیگ".

وتیش؛ "ریەگە وەشیوەی وەختانە بەسیایە تا  وەخت  تەواوکردن کارەیل لاوردن ماشینەیل زەرەرد وەخوەی دی، دەسڵاتدارەیل لێکۆڵینەوە لە چۆنیەتی رویداوەگە وازکرد".