رونکردنەوەی نوویگ لەباوەت پەلامار تورکیا وەبان ماشین پەکەکە
شەفەق نیوز/ سەرچەوەیگ ئەمنی، ئمڕوو جومعە، هویردەکاری نوویگ لە ئامانجگردن ماشینیگ لە جویر "لاریدۆ" سەر وە پەکەکە ئاشکەراکرد، ک وەلایەن درۆنیگ تورکیا لە قەزای کەلار بۆردومان کریایە.
سەرچەوەگە وەئاژانس شەفەق نیوز وت، بۆردومانەگە لەلای سایلۆی دانەوێلە لە باکوور قەزای کەلار لە ساعات 9:30 شەوەکی بویە لەمابەین دوو ئاوای بەرلوت و قاسم ئاغا، لەئەنجامی چوار کەس مردنە و یەکیگیش زەخمدار بوی.
سەرچەوەگە ئاشکەرایکرد، "قوربانیەگان سێ پیاو و دو ژنن دوو پیاو و دوو ژن کوشیانە و پیاویگیش زەخمدارە"، وتیش"ناو قووربانیەیل دیاری نیەکەن لەوەر سروشەت رویداوەگە".
زانیاری بڵاوکریایە قوربانیەیل ئەندام پەکەکەن هەر وەپای زانیاریەیل کادر پەکەکەن دویەشەو لە سلێمانیەو ئەرا گەرمیان چینە تواستنە ئمڕوو بچنەو ئەرا سلێمانی ، ئەو رییە ک کریانەسە ئامانج ری خوەڵییگ بویە.
سەرچەوەگە وتیش، گشت نیشانەیل دیاری ئەوە کەن ک پەلامارەگە وەلایەن سووپای تورکیا وە درۆنیگ جیوەجی کریایە چوینکە هاوشیوەی ئەو پەلامارەیلەس ک چەن جاریگ لە سلێمانی دوارەو بویە.
