کرماشان و ئیلام، ده‌م و لۊت ئه‌ڵپێچیاگ، په‌سا نوێنه‌ره‌یل مه‌جڵس ئه‌ڵوژنن
2020-09-11T12:32:19+00:00
شەفەق نیوز/ئمڕوو هه له بناره‌ی سووه‌و، یانێ له ساعه‌ت هه‌شت شه‌وه‌‌کییه‌و، ده چه‌ن ناوچه‌ی ئوستانه‌یل ئیلام و کرماشان، بڕێ ئه‌ڕا ئنتخابات نام‌ده‌وره‌یی مه‌جڵس ده چه‌ن ناوچه، چگنه قه‌ره‌ی یه‌کتره‌کی.
ده لاخوار ئیلام ک وه حه‌وزه‌ی ئنتخاباتی دێلوڕان ناسیاگه، هماڵداره‌کی ها ده نامه‌ین سادق که‌ره‌می (ئێڵ کورد کورده‌لی ، تایفه‌ی زه‌ڕووش/ زه‌رگووش) و بێهزاد عه‌لیزاده (ده ئێڵ کورد کورده‌لی، تایفه‌ی شه‌لیاروه‌ن).
ده کرماشانیش، ده دو حه‌وزه‌ی شار کرماشان، وه‌رد حه‌وزه‌ی داڵاهوو و ئسڵام‌ئاوا له په‌سا، مه‌ردم دیرن دچنه پای سه‌ندووق و ده‌نگ دده‌ن.
ئبراهم عه‌زیزی و سه‌ڵمان موحه‌مه‌دی، ئه‌ڕا نوێنه‌ری شار کرماشان، ئوو موجته‌با به‌خشی‌پوور وه‌رد نادر نادری، هانه گژ یه‌کتری بزانیمن کامه‌یان دتوانێ پا بنێگه نام ماڵگه‌ی میلله‌ت و ببێگه نوێنه‌ر پارلمان.
ئه‌ڕا ده‌نگ‌دانه‌‌وه، ده ئوستان کرماشان 783 سه‌ندووق، و ده ئوستان ئیلامیش 207 سه‌ندووق رای‌گرتن نریاگه ک تا وه شه‌ش ئێواره‌ی ئمڕوو، رای له له‌یینداره‌یل کاندیدایله دگرن.
هه‌ر به‌شداریکارێ ده ئنتخابات، وه گه‌ره‌که ک ده‌م و لۊت ئه‌ڵپێچانن وه ماسک، ده‌سکیش وه ده‌سکردن، خودکار بردن وه‌رد خوه‌ی، ئه‌ڵکوڵ و زدعوفوونیکاره‌یل ئاوه‌کی داشتن گه‌رد خوه‌ی، بگرێگه وه‌ر چه‌م.
ده لاخوار ئیلام ک وه حه‌وزه‌ی ئنتخاباتی دێلوڕان ناسیاگه، هماڵداره‌کی ها ده نامه‌ین سادق که‌ره‌می (ئێڵ کورد کورده‌لی ، تایفه‌ی زه‌ڕووش/ زه‌رگووش) و بێهزاد عه‌لیزاده (ده ئێڵ کورد کورده‌لی، تایفه‌ی شه‌لیاروه‌ن).
ده کرماشانیش، ده دو حه‌وزه‌ی شار کرماشان، وه‌رد حه‌وزه‌ی داڵاهوو و ئسڵام‌ئاوا له په‌سا، مه‌ردم دیرن دچنه پای سه‌ندووق و ده‌نگ دده‌ن.
ئبراهم عه‌زیزی و سه‌ڵمان موحه‌مه‌دی، ئه‌ڕا نوێنه‌ری شار کرماشان، ئوو موجته‌با به‌خشی‌پوور وه‌رد نادر نادری، هانه گژ یه‌کتری بزانیمن کامه‌یان دتوانێ پا بنێگه نام ماڵگه‌ی میلله‌ت و ببێگه نوێنه‌ر پارلمان.
ئه‌ڕا ده‌نگ‌دانه‌‌وه، ده ئوستان کرماشان 783 سه‌ندووق، و ده ئوستان ئیلامیش 207 سه‌ندووق رای‌گرتن نریاگه ک تا وه شه‌ش ئێواره‌ی ئمڕوو، رای له له‌یینداره‌یل کاندیدایله دگرن.
هه‌ر به‌شداریکارێ ده ئنتخابات، وه گه‌ره‌که ک ده‌م و لۊت ئه‌ڵپێچانن وه ماسک، ده‌سکیش وه ده‌سکردن، خودکار بردن وه‌رد خوه‌ی، ئه‌ڵکوڵ و زدعوفوونیکاره‌یل ئاوه‌کی داشتن گه‌رد خوه‌ی، بگرێگه وه‌ر چه‌م.
