پەرلەمان کوردستان وەئامادەبوین یەکێتی و پەنج وەزیر دانیشتن كه‌ید
شەفەق نیوز/ پەرلەمان کوردستان، ئمڕوو دووشەممە، دانیشتنەگەی بەسا وە سەرۆکایەتی رێواز فایق، و ئامادەبوین ئەندامەیل فراکسیۆن یەکێتی نیشتمان کوردستان، دویای کۆتایی هاوردن لە دابڕین دانیشتنەگان. بڕیارە پەرلەمان ئی باوەتەیلە باس بکەێد: ١/ پێشنیار یاسای ( کەفالەت فەرمانبەرەیل لە هەرێم کوردستان) ٢/ پڕۆژەی یاسای ( وەڕیەوبردن مقەیەتی ئاسەوار و ئەنتیکەیل لە هەرێم کوردستان-عراق). ٣/ پڕۆژەی یاسای ( رێکخستن راگەیانن ئەلیکترۆنی لە هەرێم کوردستان-عراق). دویەم: دەنگداین لەبان داواکاری دەسکیشانەوەی سۆران عومەر ئەندام پەرلەمان کوردستان لە ئەندامیەتی پەرلەمان، وەگورەی بەندەیل خاڵ (١،٢) لە تەوەر دویەم لە مادەی ٢٥ لە یاسای ناوخۆیی پەرلەمان کوردستان. سێیەم: خوەنستن راپۆرتەگە و گفتوگۆکردن کۆبونەوە هاوبەشەگە ئەرا دەسەی ( باوەتەیل پێشمەرگە و ناوچە کوردستانیەگان لە دەیشت ئیدارەی هەرێم). ٢/ خوەنستن راپۆرتە هاوبەشەگە ئەرا دەسەی (باوەتەیل پێشمەرگە) و ( ناوخۆ و ئاسایش، و ئەنجومەنە خوەیەتیەگان) و ( پەیوەندیەگان و خەڵک کوردستان لە دەیشت) لە باوەتەیل ناوچە سنوریەگان. ٣/ خوەنستن راپۆرت دەسەی تەندروسی، ئەوەگ پەیوەندیدارە وە پەتای کۆرۆنا، و ئامادەبوین وەزیر تەندروسی لە حکومەت هەرێم کوردستان-عراق. ئەوەیگ پەیوەندیدارە وە ناوچە کوردستانیەگان لە دەیشت ئیدارەی هەرێم، و پەلامارەیل داعش لە ناوچەگە، وەئامادەبوین: (وەزیر ناوخۆ، وەزیر باوەتەیل پێشمەرگە، وەزیر هەرێم ئەرا باوەتەیل دانووستان ناوبەین هەرێم و ناوەند)، هەمیش دەسەی ئیداری گشتی ئەرا ناوچە کوردستانیەگان لە دەیشت ئیدارەی هەرێم لە حکومەت هەرێم کوردستان-عراق. چوارم: دویەم خوەنستن لە پێشنیار یاسای ( ماف و ئەرکەیل بیمار لە هەرێم کوردستان). پەنجم: خوەنستن راپۆرت دەسەی دارایی و باوەتەیل ئابووری دەربارەی: (رەوشە دارایی و ئابووریەگان لە هەرێم کوردستان) وە ئامادەبوین وەزیر دارایی و ئابووری، وەزیر پلانسازی، وەزیر هەرێم ئەرا باوەتەیل دانووستان ناوبەین هەرێم و بەغداد، سەرۆک دیوان ئەنجومەن وەزیران، سکرتێر ئەنجومەن وەزیران لە حکومەت هەرێم کوردستان-عراق.
