پەرلەمان کوردستان باس ئەرکەگان بیمار کەێد و کورتاجکردن دووگیانی خەێدەدویا
2020-09-04T08:24:02+00:00
شەفەق نیوز/ پەرلەمان کوردستان لە دانیشتنە ئاساییەگەی، ئمڕوو پەنجشەممە، دوویەم خوەنستن ئەرا شەش پێکهاتە لە پێشنیار یاسای (ماف و ئەرکەگان بیمار لە هەرێم کوردستان) ئەنجامدا، و باسکردن لە پێکهاتەی هەفتم لە باوەت ماف ژن دووگیانی لە کورتاجکردن کۆڕپەڵە لە وەخت بیماری خستەدویا ئەرا باسکردن وەگەرد پسپۆڕەگان وپیاوەیل ئاینی لەوەر ناسکی باوەتەگە لە لایەنە ئاینی ومرۆیی وکۆمەڵایەتیەگان.
لەبەیاننامەیگ ئەرا سەرۆکایەتی پەرلەمان کوردستان رەسیە ئاژانس شەفەق نیوز وت: پەرلەمان دانیشتن ئاسایی دووەمینی ئەرا وەرز پایز ئمڕوو پەنجشەممە ئەنجامدا، وەسرۆکایەتی رێواز فایق و ئامادەبوین هێمن هەورامی جیگری و مونا نەبی قەهواچی سکرتێر پەرلەمان. بەیاننامەگە ئاماژەدا ک دویای خوەنستن دەقە رەسەنەگە ئەرا پێشنیار یاسا وەگورەی سیستم ناوخۆیی، سەرۆک پەرلەمان پێشنیار یاساگە خسەوەردەس ک ئووشێد؛ دەق راپۆرت دەسە پسپۆڕەگە نەخوەنیەدەو، وبوودە بنەمای گفتوگۆ لە باوەت پێشنیار یاساگە، و هەردوگ پێشنیارەگە دەنگ زۆرینە وەرگردن.
وتیش؛ دویای ئەوە راپۆرت دەسەگە ک خاسەوکریا لەلایەن دەسەی باوەتە یاساییەگان و ەناونشان یەکەم ودویەم وسێیەم لە پێشنیار یاسای تایبەت وەپێناسە و ئامانجەگان و مافەیل بیمار، و ئەندامەیل پەرلەمان بڕیگ پێشنیار و تێبینی لەباوەت راپۆرتەگە خستنە وەردەس، ئەرا دەوڵەمەنکردن پێشنیار یاساگە.
وئاماژەکرد لەباوەت مادەی هەفتم لە پێشنیار یاسای تایبەت وە کورتاجکردن کۆڕپەڵە لەلایەن ژن دووگیانی لەوەخت بیماریی، ولەوەر ناسکی باوەتەگە گفتوگۆەگە خریا وە شیوەیگ نهێنی، و دەرفەتیگ زیاتر دریا دەسە پەوەندیدارەگە ئەرا گردەوبوین وەگەرد کەسە پسپۆڕەگان و پاویەل ئاینی.
بەیاننامەگە وتیش؛ ئامانجەگە لە دەرکردن ئی یاسای پێشنیارکریاگە ئەرا مقیەتی مافەیل بیمار ودیاریکردن ئەرکەگانی و ئەرا ئامادەکردن پێداویستیە تەندروسی وجەستەی یومەغزی ودەروونی ئەرا تاکەیل وکۆمەڵەیل دانیشتوەگان هەرێم کوردستان و گورجەوکردن دەور حکومەت ودامەزراوە تەندروسیەگان لە چەودیری و ئەوزەڵکردن هەست وەرپرسایەتی وە شیوەیگ ک بگونجیەێد وەگەر شیوەی سەردەمەگە و پێشکەفتن زانستی وپزشکی هاوچەرخ.
