پەرلەمانتاریگ: هەماهەنگی وەرگری و پیشمەرگە مقەیەتیە ئەرا بەرژەوەنی ئاسایش عراق
![پەرلەمانتاریگ: هەماهەنگی وەرگری و پیشمەرگە مقەیەتیە ئەرا بەرژەوەنی ئاسایش عراق](https://media.shafaq.com/media/arcella/1621856644518.jpeg)
شەفەق نیوز/ هەرێم ئاغا ئەندام دەسەی ئاسایش و وەرگری لە پەرلەمان نۆێنەر لە یەکێتی نیشتمانی کوردستان، وت: باوەت هەماهەنگی ئەمنی هاوبەش لەناوبەین وەزارەت وەرگری عراق و پێشمەرگە و بڵاوکردن بارەگایل هەماهەنگی ئەمنی، مقەیەتیکردنە ئەرا بەرژەوەنی ئاسایش باڵای عراق وەگورەی دەستور عراق، و داوای دویرەوخستن بەرژەوەنیەیل هەڵبژاردن لە ئاسایش هاوڵاتیەیل وەگشت نەتەوەیلیان کرد.
ئاغا ئەرا ئاژانس شەفەق نیوز وت: هەماهەنگی لەناوبەین پێشمەرگە و هێزەیل فیدڕاڵی لەوەخت رمانن رژێم وەرین هەسەی، و لە بنەمایگ دەستوری و هێزەیل پێشمەرگە هانە ناو بەغداد و چەن پارێزگایگ وەگورەی بەرژەوەنیەیل وپلانەیل ئەمنی ئەرا دەوڵەت عراق، دویر لە هەر بەشبەشکردنیگ نەتەوەیی یا مەزهەوی.
ئاغا باس ئەوەیش کرد ک گلەوخواردن ریخریاگ داعش و چەتەیلی و فرەوەبوین پەلامارەیلی لە ناوچە دابڕیایەکان و لە سنورەیل چەن پارێزگایگ، لەوەر نەمان هەماهەنگی لەناوبەین پێشمەرگە و سوپا هاتگە و وەجیهیشتن بۆشاییەیلیگ بوینەسە شوینەیل مەرگیگ لە ماوەی چوار ساڵ گوزەیشتە.
ئاغا داوا لە بەشیگ لە لایەن و کەسایەتی سیاسی کرد ک ئاسایش و بەرژەوەنی هاووڵاتییەگە لە هەر ئامانجیگ هەڵبژاردن لە ژیر ناونشان مەزهەبی یا نەتەوەیی دویرەو بخەن، چوینکە نێکەفێدە بەرژەوەنی هیچ لەی پێکهاتەیلە ک خوازن ژیانیگ ئاسوودە دویر لە سیمایل رخبردن تیرۆری گوزەران بکەن.
وتیش؛ وازکردن ناوەندەیل هەماهەنگی هاوبەش لەناوبەین وەرگری و پیشمەرگە لە دیالە و کەرکوک و نەینەوا و سەڵاحەدین و مەخموور هەرچەن کەفتە دیریگ، جوور سەرکەفتنیگ ئەمنیە لەبان چەتەیل تیرۆر، و گامیگە ئەرا وەدەسهاوردن ئاسایش و ئارامی لەناوچەیلیگ زیان لە تیرۆر وەخوەیان دین.