ئەرا یەکەم جارە.. ژنیگ پۆست جیگر سەرۆک حکومەت خۆجێی سلێمانی وەرگرێد
شەفەق نیوز/ لەیلا عومەر، لە یەکێتی نیشتمانی کوردستان، لە رسوومەیلیگ ک ئمڕوو وەڕیەو چگن، پۆست جیگر سەرۆک حکومەت خۆجێی لە پارێزگای سلێمانی وەرگرد.
رسوومەگان لە بینای حکومەت خۆجێی وەڕیەوچگن، و جەتو ساڵح نۆێنەر وەزیر ناوخۆی هەرێم، و پارێزگار هەڤاڵ ئەبوبەکر، و ئازاد حەمە ئەمین سەرۆک ئەنجومەن پارێگاگاگە، و ژمارەیگ لە ئەندامەیل ئەنجومەنەگە ئامادەی بوین.
هەڤاڵ ئەبوبەکر لە کۆنگرەیگ رۆژنامەوانی و پەیامنێر ئاژانس شەفەق نیوز ئامادەی بوی پێشوازی لە وەرگردن پۆستەگە لەلایەن لەیلا عومەر کرد، و وت: ئەیە یەکەم جارە ژنیگ پۆست جیگر پارێزگار سلێمانی وەربگرێد.
لەلای خوەییش لەیلا عومەر باس لە سوپاس خوەی لە ئەندامەیل ئەنجومەن پارێزگاگە کرد ک ئەرا ئی پۆستە پەسەنی کردن، وتیش؛ ئەوەسا ئەرا خزمەت پارێزگاگە کار کەێد.
وەرجە پەسەنکردن لەیلا، عومەر قەڵادزێی لە یەکێتی نیشتمانی کوردستان خوەی لە پۆست جیگر پارێزگار بوی.
