ئەرا یەکەمجارە.. دەروازەی پەرستگای لالش دروس کریەێد
2022-09-20T08:47:33+00:00
شەفەق نیوز/ ئەرا یەكەم جارە پرۆژەیگ جویر دەروازە ئەرا پەرستگای لالش جیوەجی کریەێد، و بڕیارە لە ماوەیگ نزیك تەواو بوود.
65 پرۆژه‌ی نووکردن و خاسەوکرد مەزارگە و سمبولەیل ئێزدی و پرۆژەیلیگتر خزمەتگوزاری لە پەرستگاگە جیوەجی کریەن.
وەگورەی قسەی ئەندازیار وەرپرس لەبان کارەگە، ئەرامیدیایل راگەیانن "یەكەمجارە دەر و دەروازەیگ ئەرا پەرستگای لالش دروس کریەێد، و لە سەرەتای مانگ ئایندە واز کریەێد، و کەفێدە خزمەت زیارەتكارەیل پەرستگا".
وتیش: "یە ئەرا یەكەمجارە دەر پەرستگای لالش دروس کریەێد، و سەرەتای مانگ ئایندە لە روی زیارەتکارەیل پەرستگا واز بوود، بودجەی پرۆژەگەیش لەبان حکومەت هەرێم كوردستانە، كە گوژمەگەی 180 ملیۆن دینارە و کەمیگ كار لەناوی مەنیە و وەیزویە واز کریەێد".
