ئەرا سێیەم ساڵ وەبان یەک.. هەرێم کوردستان پیشوازی لە زیارەتکەرەیل چلە کەن کە لە ئیرانەو هاتنە
ئمساڵ ژێرخان ئابووری پێویست ئامادەکریاس ئەرا میوانداریکردن زیارەتکەرەیل سنوورەیل ناوبریاگ.
وەپای ئاژانس ئیرانی خەوەری نیمەفەرمی "میهر" دەروازەی "تەمرجین" ئیە سێیەم ساڵە وەبان یەک کە بوودە یەکیگ لە شەش دەروازەی زیارەتکەرەیل چلە و نزیکترین سنوورە ئەرا کەربەلا، کە وەلایەن ئیرانی و تورکەیل و ئازەربایجانیەیل پیشوازی خاسیگ لەلی کریایە.
دیاریکرد، لەی سنوورە ئاسانکاری پێویست کریاس ئەرا ئاسوودەیی زیارەتکەرەیل چلە لەناو دەسەیل لە خواردن و شوین مەنن و خزمەتگوزاریەیل ترەک.
ئاژانسەگە لە زوانی پارێزگار ئازەربایجان خوەرئاوا باس لە تایبەتمەندییە خاسەیل دەروازەی “تەمراجین” کردیە، جویر کەشوهەوای گونجیاگ و کەمکردن تێچگ و ئوشێد: "ئمساڵ توانای وەرگردن سەردانکەری ئەرا 500 هەزار کەس لە دەروازەی (تەمراجین) زیایکردیە و تووەنێد زیاتر وەربگرێد".
وتیش، 90 دەسەی حسێنی لە دەروازەی “تەمەرجین”ەو ئەرا شار نەجەف دانریاس.
