ئیران وە شاندیگ فەرمی جویلنێد ئەرا بەرزەوکردن گەشتیاری زەمینی وەرد هەرێم کوردستان
شەفەق نیوز ـ تەهران / هەولێر
شاندیگ پسپۆر لە ناوەن گەشتیاری و هامشوو وە زەمینی وەرد ئیران، ئمڕوو سەردانیگ مەیدانی ئەرا سنوور هەرێم کوردستان عراق کرد، کە زنجیرەیگ گفتوگوو و دانوسانەیل تەکنیکی گردەخوەی، وە ئامانج ئاسانکردن هامشوو زەمینی، و رووشنیکرد پرۆتۆکۆلە گومرۆکیەیل و ئەوزەڵدانەیل لە چوارچمگ هاوکاری گەشتیاری و جیوەجیکردن لە ناوەین تەهران و هەولێر.
ئاژانس "ئیرنا"ی فەرمی ئیران راگەیان سەردانەگە رووشنایی خستیەس وەبان شیکردن ئەو بەربەسەیلە ها؟نوای هامشوو ماشین و گەشتیارەیل، رێکخسن پرۆسە سنووریەیل و ئامادەکردن ژینگەیگ پوڕیاگ وەبەرهێنان و کارکردن ئەرا ئەوزەڵداین گەشتیاری وە زەوی لە ناوەین هەردوو وڵات، وەرد سەرنج خستنە بان گورجەوکردن دیپلۆماسی سنووری و بەرزکردن هەماهەنگی دامەزراوەیی.
وە پای ئاژانسەگە، بەرنامەی کاری وفدەگە کۆبوینەوەی ئاستبەرز وەرد دەسەڵاتە قونسولیەگان، گومرۆک و وەڕێوەبەرایەتیەیل رێگە خێراگان لە هەرێم کوردستان گرێدەخوە. هەمیش کۆبوینەوەیگ فراوان وە بەشداری قونسول گشتی ئیران لە هەولێر، وەڕێوەبەر گشتی گومرۆک هەرێم و وەڕێوەبەرەیل سنوورەیل وەڕێوەچگ، ئەرا باسکردن لەبان گیچەڵ لۆجستیکیەیل پەیوەنیدار وە هاتوچوی گواستنەوە و رێوشوین رەدبوین ماشینەیل.
شاندەگە دووپاتکرد لە گرنگی دانان میکانیزم کار رووشنیگ و یەکگرتگ ئەرا وەرپرسەیل و کاربەرەیل جیوەجیکار لە خالە سنووریەیل لەری ناسانن تایوەتمەنی میکانیزمەیل بەڵگەنامە ناودەوڵەتیەیل ناوەن هەماهەنگی گواستنەوەی وە زەوی دەری کەێد، ئەرا دڵنیابوین لە نەبوین گیچەڵ لە ریوشوینەیل و ئاسانکردن هاتوچوی گەشتیار و رانندەیل.
لەمکۆبوینەوەگە باس لە دەرفەت دەسمیەتی وەرد لایەنە خۆجێیەیل لە کۆمار عراق کریا، و رێککەفتننامەی کارگێری واژوو کریا ئەرا بەرزکردن کر هاوبەش لە مژارەیل دراوردن بەڵگەنمەی ناودەوڵەتی، چەوەرێ کرێد رێککەفتننامەگە دەسمیەتی فراوانیگ خزمەتگوزاریەیل ناوەن گەشتیاری و هاتوچوی زەمینی بدەن، بیجگە لە وازکردن دەرفەت نوو ئەرا دەسمیەتی بازرگانی و جیوەجیکردن ناوەندی.
