دەسگیرکردن شمارەیگ لە بازرگان و وەکارهاوەر مادەی هووشبەر لە سلێمانی
2023-08-22T12:48:48+00:00
شەفەق نیوز/ دەزگای ئاسایش هەرێم کوردستان، ئمڕوو سێشەممە، راگەیان شمارەیگ لە وەکارهاوەرەیل و بازرگانەیل مادەی هووشبەر لە سلێمانی دەسگیرکریان کە ژنیش هاناویان، و دەسنریایە وەبان پارچەیگ چەک و بڕیگ لە پویل.
دەزگاگە لە بەیانامەیگ رەسیە ئاژانس شەفەق نیوز وت؛ وەڕیەوبەرایەتی مادەی هووشبەر سەر وە دەزگای ئاسایش 20 بازرگان و وەکارهاوەر مادەی هوشبەر لە سلێمانی دەسگیرکردنە.
لە بەیاننامەیگ وتیش، هێزەیل ئاسایش هەرێم کوردستان توومەتبارەیلیگ دەسگیرکردنە وە بڕیار دادوەر لێکۆلەر ئەمنی و دەسگردنە وەبان مادەی هوشبەر کە توومەتبارەیل کیشانەسێ، کە پێکهاتبوی لە (ئەڤیۆن، حەشیش، کریستال، ماریجوانا).
لەناوەین توومەتبارەیل خەڵک هەرێم کوردستان و دەرەو هەس و تەمەنیان لەناوەین 23-50 ساڵانا و سێ ژن هاناویان، هەمیش مەوقەی دەسگیرکردنیان دەسنریاس وەبان سێ دەوانچە و70 مليۆن دينار عراقی.
دیاریکرد، توومەتبارەیل وەپای مادەی 25 و 26 و 30 لە یاسای سزادان دەسگیرکریانە.
