دەسگیرکردن کەسیگ لە کەرکوک سەر پۆلیسیگ بڕیە

شەفەق نیوز/ فەرماندەی پۆلیس کەرکوک، رووژ شەممە، راگەیان لە دەسگیرکردن داواکریاگیگ وەتوومەت کوشتن پۆلیسیگ وە سەڕبرینی لە پارێزگاگە. فەرماندەگە لە بەیاننامەیگ رەسیە ئاژانس شەفەق نیوز وت: مەفرەزەیگ لە وەڕێوبەرایەتی دژەتیرۆر کەرکوک دەسوەسەر توومەتبار ( ت-ئ-د) کرد ک تاوان کوشتن و سەڕبرین قوربانی مفەوەز پۆلیس ( بەهجەت ئەنوەر محمەد) ئەنجام داگە. بەیاننامەگە وتیش: واژوو دادوەری لە قسەیلی کریا، و ئاشکرای بەڵگەیل لە شوون رووداوەگە ئەنجام دریا لەلایەن دادوەر تایبەت، وەگورەی مادەی ٤٠٦ ی ع. پۆلیس لە مانگ ئایار گوزەیشتە تەرم موفەوەزە سەربڕیایەگە دینەو لە ناو ماشینەگەی خوەی، دویای رووژیگ لە رفاننی لە شار کەرکوک. ودویای چەن رووژیگ لە رووداوەگە، پۆلیس دەسگیر ژنیگ کرد ک دەسی هاناو تاوان کوشتن پۆلیس ( بەهجەت ئەنوەر محمد) لە پارێزگای کەرکوک.