دەسگیرکردن دوو مەفرەزەی داعش لە سلێمانی
شەفەق نیوز/ وەڕێەوبەرایەتی ئاسایش پارێزگای سلێمانی، ئمڕوو سێشەممە، دەسگیرکردن دوو مەفرەزەی داعش راگەیان، و دیاری کرد ک دوو مەفرەزەگە پەیوەندی وە رویداویگ لە ناوچەی (ئەسحابە سپی) دیرن ک هاووڵاتییگ لەناوی بویە قوربانی.
ئاسایش لە بەیاننامەیگ رەسیە ئاژانس شەفەق نیوز وت: وەرجەیە پەیمان وە ئەو تیرۆریستەیلە دا ک پەیوەندی وە رویداویگ لەناو بازاڕ (ئەسحابە سپی) لە سلێمانی داشتن، و ئەحمەد شەوکەت ئەو گەنجە بویە قوربانیی.
بەیاننامەگە وتیش: ئۆپراسیۆنەگە ک ئاسایش سلێمانی جیوەجیی کرد، رەسیە دەسگیرکردن ئەندامەیل دوو مەفرەزە سەروە ریخریاگ داعش تیرۆریست، وتیش؛ دوو مەفرەزەگە پەیوەندی وەو رویداوە دیرن ک لەناوچەی ئەسحابە سپی ناوڕاس سلێمانی روی دا.
لە ١٤ی ئاب، ئاسایش سلێمانی راگەیان ک لەوەر رویوەرویبوین وەگەرد بڕیگ لە توومەتبارەیل لەوانەگ لە گەڕەک سابوونکەران واینە، گەنجیگ لە تەمەن ٢٢ ساڵان وەگولە زەخمدار بوی، وهویچ کاریگ وە رویداوەگە و نەیش وە توومەتبارەیل داشت، ودویای رەساننی ئەرا خەسخانەی گیانی لەدەسدا.
لە کۆتایی بەیاننامەگە وتیش: وەڕێەوبەرایەتی ئاسایش سلێمانی، ئەوەسا لە ساعەت هەیشت ئیوارەی ئمڕوو سێشەممە، روونکردن هویردەکاری ئۆپراسیۆنەگە راگەینێد.
