دەسگیرکردن بکوشیگ دۊیای ٨ مانگ لە مەینەی و خوەیکوشتن ژنیگ لە سلێمانی

شەفەق نیوز/ وەڕیەوبەرایەتی پۆلیس پارێزگای سلێمانی، ئمڕوو جمعە، خەوەردا لە دەسگیرکردن توومەتباریگ لە مانگ شوبات گوزەیشتە کابرایگ لە قەزای چەمچەماڵ وە گولە کوشتگە، ئەوەیش دۊیای ٨ مانگ لە خوەی شاردنی. 

وەڕیەوبەرایەتیەگە لە بەیاننامەیگ وت: مەفرەزەیل بنکەی پۆلیس تاسلوجە وهاوکاری بنکەی پۆلیس ڕاپەڕین ئەو کابرا وە توومەت کوشتن دەسگیر کرد.     

بەیاننامەگە دیاری کرد ک دۊیای لێکۆڵینەوە، ئەو توومەتبارە ک لەناو یەکیگ لە گەڕەکەیل سلێمانی خوەی شاردۊدەو دەسگیر کریا، و ئیسە وە بڕیار دادوەر بەندی کریاگە.     

هەرلیوا،  پۆلیس ئیدارەی ناوچەی راپەڕین راگەیان؛ دۊیەشەو تەرم ژنیگ لە داڵگبۊی ٢٠٠١ هاوریا خەسەخانەی گشتی رانیە.    

پۆلیس لە ببەیاننامەیگلە زوان بنەماڵەی ژنەگە وت: ئەو ژنە خوەی وەسێدارە داگە و مردگە.