دەسگیرکردن باندیگ دەیان دزی کێبڵ کارەبا ئەنجامدانە لە سلێمانی… ڤیدیۆ
2023-09-04T08:21:56+00:00
شەفەق نیوز/ وەڕیوبەرایەتی پۆلیس سلێمانی، ئمڕوو دووشەممە، دەسگیرکردن باندیگ پەنج کەسی راگەیان کە شمارەیگ تاوان دزین کێبڵ کارەبا لە پارێزگاگە ئەنجامدانە.
ئیدارەی پۆلیس لە بەیاننامەیگ رەسیە ئاژانس شەفەق نیوز وت، یەکیگ لە هاوڵاتیەیل داد توومارکردیە لەباوەت دزیان بڕیگ گەپیگ لە کێبڵ کارەبا وە مدووە پۆلیس دەسکردیە وە لێکۆڵینەوە گومانلێکریاگەیل پەیاکردیە و دەسگیریان کرد.
وتیش، لەدویای ئەوەگ زانیاریەیل جەمەوکریا ئەو پەنج توومەتبارە دەسگیریا کە باندیگ دزیکردن تایوەت وە کێبڵ دروسکردبوین لەوەخت لێکۆلینەوە دان وە ئەنجامدان 33 تاوان دزی لەناو سلێمانی داناوێن.
ئاشکەرایکرد، دادوەر لێکۆڵەر فەرمان زیندانیکردن ئەو پانج توومەتبارە دا وەپای مادەی 443 لەیاسای سزادان عراقی.
