دەسەی ١٤٠ کارەگە یەکلاوە کەێد و بڕیارەیل تەعریبکردن سەدام پویچەڵ کەێد
زەنگی عزەدین وەرپرس پەیوەندیەیل گشتی لە یەکێتی نیشتمانی کوردستان لە کەرکوک، ئەرا ئاژانس شەفەق نیوز وت: بەڵگەنامەیگ فەرمی وە واژوو هادی عامری سەرۆک دەسەی جیوەجیکردن مادەی ١٤٠، دووپات لە جیوەجیکردن بڕیار ٢٩ ئەرا ساڵ ٢٠١٢ کرد ک فەرمان پویچەڵکردن گشت گریەبەسی و ریکارەی (دەسەی کاروبار باکوور) لە ئەنجومەن سەرکردایەتی شووڕش پویچەڵکریاگ دەرچگە، ک لە سەردەم رژیم سەدام زەویەیل کورد و تورکمان لە سیاسەت تەعریبکردن و ئاڵشتکردن دیموگرافی دریا عەرەو.
مەحمود دووپات کرد ک بڕیار ئەنجومەن وەزیرەیل لە ساڵ ٢٠١٢ وەکارە لە کەرکوک و ناوچە دابڕیاگەیل، وتیش: مادەی ١٤٠ ئەوەسا گەشەی فرەیگ کەێد لە جیوەجیکردن بڕیارەیلی وە تەمەی سەرۆک وەزیرەیل و دروسبوینی لە نووەو ئەرا مسۆگەرکردن ماف پیکاتەیل و قایمکردن وەیەکەوژیان.
وتیش؛ زیاتر لە ١٠٠ ملیار دینار ئەرا قەرەبووکردن ئەوانەگە مادەی ١٤٠ گرێدەیان تەرخان کریاگە، و جیوەجیکردن بەندەیلی لە ماوەی ئایندە.
رژیم وەرین عراق سیاسیەیل تەعریبکردن دیموگرافی زەفتکردن زەویلەیل پیکاتەی کورد وەکار هاورد، لە بنەمای هاندەرەیلیگ نەتەوەگەرایەتی ک لە هەفتایل سەدەی گوزەشتە دەسوەپی کرد و تا رمیان رژیم سەدام.
کوردەیل لە دیالە داد لە دەس هەڵمەتەیل تەعریبکردن دیموگرافی و پەراویزخستن ئەمنی و ئیداری کەن، ک دویای رویداوەیل ١٦ی تەشرین یەکەم ٢٠١٧ لە ئەنجام ریفراندۆم سەروەخوەیی کوردستان سەختەو بوی، ک هیشت حزب و هیزەیل کورد بارەگایلیان وەجیبیلن لەرخ وەئامانجکردن و کوشتن.
