دێرک هالە نوای قەیەغەی گشتگیر و ٢٩٨ تووشهاتن وە کۆڕۆنا لە ئیدارەی سەروەخوەیی
شەفەق نیوز/ شار دێرک لە باکوور و خوەرهەڵات سوریا بەرزەوبوین زیاییگ لە تووشهاتنەیل ڤایڕۆس کۆڕۆنا وەخوەی دوینێد، وەبی هیچ داوەزینیگ وەگەرد نیمچە قەیەغەگە ک چەسپیاگە.
و دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو یەکشەممە، راگەیان تۆمارکردن سێ مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
سەرچەوەیگ لە شانەی قەیران لە شار دێرک لە دویای کۆبونەوەی ئەمروو خەوردا ئاژانس شەفەق نیوز ک لەوەر بەرزەوبوین رێژەی تووشهاتنەیل ڤایڕۆس کۆڕۆنا لە شار دێرک و ئاوایی، جوور شانەی قەیران لە شارەکە بڕیار ئەنجامدان کۆبونەوەی زوینەیگ و دەرچگن وە ئەنجامەیل خاسیگ دایمن.
سەرچەوەگە وتیش: لە ئەنجام کۆبونەوەگە چەسپانن قەیەغەی گشتگیر لە شار دێرک هەکاتی قامیشلۆ و ریقە دایمن، و بەرزەوکردن پێشنیارەگەی ئەرا دەزگای تەندروسی لە ئیدارەی سەروەخوەیی.
لەلای خوەییش دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو ژن و یەک پیاو لە حەسەکە تۆمار کریا.
جوان خان وتیش ٢٩٨ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا ئەرا ١٦٦ پیاو و ١٣٢ ژن تۆمار کردنە.
وتیش؛ تووشهاتنە نووەکان وەیجوورە بەشەوە بوین: حەسەکە ٤٢، قامیشلۆ ٨٨، دێرک ٣٧، دەرباسیە ٦، رمێلان ١، تەبەقە ٤٠، ریقە ٥٠، کۆبانی ٢٥، مەنبج ٥، شەهبا ٤.
وتیش؛ پەنج خاسەوبوین تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی رەسیە ١٢٢٣٦، لەلیان ٤٢٢ مردنە، و ١٣٦٥ خاسەو بوینە.
