دەرچگەیل ئامادەیی سلێمانی ریەیلە بڕن (وێنە)
2021-10-30T10:08:24+00:00
شەفەق نيوز/ دەرچگەیل قۆناغ ١٢ی ئامادەیی لە شار سلێمانی لە هەرێم کوردستان، ئمڕوو شەممە، لە خۆپیشاندانیان وە دەوای قەبووڵکردنیان لە زانکۆیلە وەردەوام بۊین.
پەیامنێر ئاژانس شەفەق نيوز وت: بڕێ لە دەرچگەیل قۆناغە ١٢ لە سلێمانی شەوەکی ئمڕوو، دووارەی خۆپیشاندانیان کردن، ئەوەیش لە قەزای رانیە لە پارێزگای سلێمانی، ئەرا داوای قبووڵکردنیان لە زانکۆیل هەرێم کوردستان.
خۆپیشاندەرەیلە ری ناوبەین رانیە – چوارقوڕنە بڕین. دەرچگەیلە دووپات لە وەردەوامییان لە ناڕەزایەتی کردن تا دەسەڵاتەیلە داواکارییان جیوەجی کەن.
