دیرکەفتن مووچەی فەرمانبەرەیل قەیران نیشتەجیبوین لە سلێمانی خەسەو کەێد
شەفەق نیوز/ بورهان قەرەداغی وەرپرس یەکێتی کراچیەیل کوردستان لە سلێمانی، ئمڕوو شەممە، وت: قەیران نیشتەجیبوین لە هەرێم هیمان لەوەر دیرکەفتن خەرج مووچەی فەرمانبەرەیل و خانەنشینەیل وەردەوامە.
قەرەداغی ئەرا ئاژانس شەفەق نیوز وت: کراچیەیل لە سلێمانی وەتایبەت و لە هەرێم کوردستان وەگشتی هانە رەوش بەدیگ لەوەر قەیران مووچە ک وەشیوەیگ راستەخۆ باریان سەنگین کرد.
وتیش: نەوین پلانەیل توکمەی حکومەتی ئەرا قەیران نیشتەجیبوین و سووکەوکردن بار لە کراچیەیل باریگ زیاتر خستە کووڵ هاووڵاتی لە سلێمانی.
قەرەداغی وتیش: ٢٣٠ یەکەی نیشتەجیبوین لە هەرێم کوردستان دروس کریا، باوجی چارەی تەنیا ١٠% قەیران نیشتەجیبوین لە هەرێم کرد، لەوەر دیرکەفتن مووچەیل.
و دیاری کرد ک یەکێتی کراچیەیل کوردستان -خاوەن ماڵەیل کرادریاگ هاناوی- چەن پێشنیاریگ خستە وەردەس حکومەت ئەرا دروسکردن یەکەیل نیشتەجیبوین ئەرزانیگ ک قیست مانگانەی لە ٦٧ دۆلار زیاتر نەوود، وە دزاین فرە بەرزیگ، باوجی رۆتین ریگری لە جیوەجیکردن ئی پرۆژەیلە کرد ک مەزەنە کردیمن چارەی ٨٠% لە قەیرانەگە کەێد.
لە کاریگەری ئی گرفتە لەبان هاووڵاتیەیل سلێمانی، قەرەداغی دووپات کرد ک دەیان لە جیابوینەوەی خیزانی و تونوتیژی توومار کریا، چوینکە خاوەن خیزانەگە توانا نەیاشت پویل کرای ماڵەگەی بیەێد، وەگەرد تاوانەیل فرەیگیش.
