"دەرکردن و کوشتن و خوەیکوشتن".. تونوتیژی ژنەیل وەرانوەر وەپیاوەیل لە کوردستان ها لە زیای بوین
بورهان عەلی وە ئاژانس شەفەق نیوز وت، لەسەرەتای مانگ کانوون دویەم 2024 تا نیمەی نیسان 148 داد تونوتیژی جوراوجویر دژ وە پیاوەیل توومارکریاس وەگەرد 13 وەیکوشتن و دوو حالەت کوشتن پیاوەیل".
وتیش، "رێژەی تونوتیژی دژ وە پیاوەیل ها لە زیایبوین وە بەراوردوە ئامارەیل توومار کریاگ هەتا ئیسە جویر تونوتیژیەگە دیاری نەکریاگە".
سەرۆک یەکێتی پیاوەیل وتیش؛ "گشت ساڵیگ لە هەرێم کوردستان دەرکردن پیاوەیل لە ماڵ هەس وە تایوەت وە تەمەنەیل" ئاشکەرایکرد "فرەجار مناڵەیل لە پشتداڵگەیلیان وسن لە گیچەڵەیل خێزانی و وە یەیش باوگەیل و پیاوەیل ناچارن ماڵ وەجی بیلن".
ئاشکەرایکرد، "لە ساڵەیل وەرین بڕیگ کێشەیل خێزانی لەری کۆمەڵایەتیەو چارەسەرکریا وەرجە ئەوەگ جیابوینەوە دروس بوود، باوجی ئیرنگە بارودۆخەگە پیچەوانەو بیە گیچەڵەیل راستەوخۆ ئەرا دادگا بریەن لە ئەنجام دۆسیەی تەڵاق دروس بوود".
