دۊتیگ سووری دزی لە شەش دوکان تەڵا کەێد
شەفەق نیوز/ وەڕێەوبەرایەتی پۆلیس هەولێر، ئمڕوو دوشەممە، راگەیان دۊتیگ دەسگیر کردنە دۊای ئەوەگ دزی لە ٦ دوکان تەڵافروشی کردیە لە پارێزگاگە، دۊای هەر دزییگ شیوەی خوەی ئاڵشت کردیە.
قسەکەر پۆلیس هەولێر موقەدەم هۆگر عەزیز لە بەیاننامیگ رەسیە ئاژانس شەفەق نیوز وت: " دۊای ئەوەگ وەلایەن چەن هاوڵاتییگ ئاگادار کریان ک دوکانەیلیان تەڵافروشیان کەفنە وەر دزی؛ تیمیگ لە پۆلیس هەولێر دەسکردن وە چەودێری دوکانەیل تەڵافروشی دەرچگە دۊتیگ هەلسێد وەی دزیەیلە و لەماوەی کار دزیەگە دو جار شیوەی خوەی ئاڵشت کەێد دۊای چەودێری ئەرا ماوەی کەمتر لە مانگیگ تۊستن دەسگیری بکەن".
وتیش، " دۊتەگە دان وە تاوانەگەی نایە لە لێکۆلینەوە ک هەلسیایە وە دزیکردن ۱٥ پارچەی تەڵا لە شەش دوکان تەڵافروشی لە هەولێر". دیاریکرد" دۊتەگە تەمەن ۲۱ ساڵە و خەلک سوریایە و وەتەنیا زندگی کەێد پۊیل تەڵا دزریایەیل ئەرا سوریا کلکردیە"، ئاشکەرایش کرد ک خوازیە وەی نزیکە هەرێم وەجی بیلێد.
