د. توانا: لەماوەی یەک مانگ چوار مناڵ لە هەرێم کوردستان وە لێزەر کوور بوینە
شەفەق نیوز/ پزیشکیگ پسپۆر هوشداری دەێد لە وەکارهاوردن جویریگ لە لیزەر وە لایەن مناڵەیل ک تەنیا لەماوەی ئی مانگە چوار مناڵ وەپی نابینابویە.
د. توانا محەمەد حەمەدئەمین، پسپۆڕ بیماریەیل جەو وتووڕ چەو لە پۆستیگ لەبان تووڕ کۆمەڵایەتی راگەیان، خوێندکاریگ 10 ساڵان وەرد داووگیرەسینەس ژوور تووڕ چەو لە خەسخانەی فێرکاری چەو داڵگەگە وتیە:" دوێکە کورەگەم وبازی وەئەو لێزەرە کردیە و ئوشێد نیەدوینم".
وتیش"لەدویای وشکین هەر جویر ئەوەگ لە وینەگە دیارە وەداخەو دەرچگە خوینوەربوین یەکجار فرەیگ سەنتەر نوڕستن گردیە، لە تووڕ چەوەگەی تریشی سەنتەر نوڕستنی سزانیە".
وە قسەی ئەو پسپۆرە، ئەو لێزەرە فرە وەهێز بویە جویر ئەو لێزەرەس ک ئەوان ئەرا چارەسەر پزیشکی بەشیگ لە بیماریەیل چەو وەکاری تێرن، باوجی وە شیواز و رێژەی تایبەت.
د. توانا داوا لە داڵگ و باوگەیل و وەڕیوبەر و مامووسایەیل مەکتەوەیل کەێد مناڵەیل بوشکنن و وە خاسی ئەرایان باس بکەن ک ئەو لایتە لەیزەرەیلە زەرەد فرەیگ دیرێد.
ئاشکەرایکرد، وە داخەو ئیە چوارەمین پسایە لەماوەی ئی مانگە.
