دۊیای ٥ رووژ لە سۊرەگەی.. کوشیان گەنجیگ کورد وەدەس خەسۊرەی  

شەفەق نيوز/ سەرچەوەیگ ئەمنی لە پۆلیس گەرمیان، ئمڕوو دووشەممە، خەوەردا لە کوشیان گەنجیگ وەدەس خەسۊرەی لەوەر گرفتیگ خیزانی.       

سەرچەوەگە ئەرا ئاژانس شەفەق نیوز وت: گەنجیگ لە تەمەن بیس ساڵان خەڵک قەزای کفری، وەدەس برای ژنەگەی لەوەر ناکۆکییگ خیزانی، دۊیای ٥ رووژ لە ژن خوازینی کوشیا.          

و دیاری کرد ک تاوانەگە لە قەزای کفری بۊی، دۊیای ئەوە ک گەنجەگە وەرد خیزانەگەی سەردان باوان ژنەگەی کردن، ک خوەیانیش کەسوکار یەکن، لە قەزای کەلار، تا مرافەگە یەکلاوە بکەن،  لەو مەوقە برای ژنەگەی وەرەو دەیشت ماڵەگە چڕیەسەی، و لەورا تەقە لەلی کردگە، تا لە خەسەخانە گیانی لەدەس دا.       

وتیش؛ هێزەیل ئاسایش تاوانکارەگە گردن، و لێکولینەوە لە رووداوەگە واز کردن.