دۊای دوو ساڵ لە وسیانی.. گلەوخواردن کەرنەڤاڵەیل نەوروز لە کەلار
شەفەق نیوز/ ئیدارەی قەزای کەلار سەروە ئیدارەی گەرمیان کوردستانی، ئمڕوو یەکشەممە، راگەیان گلەوخواردن ئاهەنگ کەرنەڤاڵەیل جەژن نەوروز، دۊای دوو ساڵ لە وسیانی لەوەر ریکارەیل پەتای کۆرۆنا.
شەهاب حاجی ئەحمەد قایمقام کەلار ئەرا ئاژانس شەفەق نیوز وت: ئیدارەی قەزاگە وەگەرد فەرمانگەیل حکومەتی و دەزگایل ئەمنی، دەسکردنە پلانیگ ناویەک و هاوبەش ئەرا ئارامکردن ئاهەنگەیل جەژن نەوروز و تا ماوەی دوو هەفتە، دۊای وسیانی ئەرا دوو ساڵ لەوەر پەتای کۆرۆنا، و قەیەغەکردنی لەلایەن وەزارەت ناوەخۆ لە حکومەت هەرێم کوردستان.
و دیاری کرد ک ئاهەنگەگە وە رووشنکردن مەشخەڵ جەژن وەئامادەبۊن جەماوەری فراوانیگ دەسوەپی کرد، وەگەرد چالاکیەیل هونەری و گورانی و شانۆ، ک ساڵانە لە نەوروز ئی رسوومەیلە وەڕیەو چن.
ئەحمەد دووپات کرد ک لایەنەیل حکومەتی وە هەماهەنگی هاوبەش چەودێری ریکردن پلانە ئەمنی و خزمەتگوزاریەگە و رێکخستن وەناوهاتن سەردانکەرەیل کەن ئەرا کەرنەڤاڵەیل نەوروز لەڕی مەرزەیل وەرەو ناوچەیل کەلار، و ئارامکردن ناوچەیل ئاهەنگەیلە، و ئاسانکردن گشت ریگرەیل نوای کەسەیل ناو کەرنەڤاڵەیل.
قائیمقام کەلار مەزەنە کرد هاتن فرە گەورەیگ ئەرا ئاهەنگەیل نەوروز بوود لە کەلار لەناو کەشوهەوای جیوازیگ لەگشت ناوچەیلی.
