دژیان رێنیگ پەس لە ئاواییگ لە خانەقین

دزیەگە لە ئاوای تەفرەقە لە دەورگرد شار خانەقین بویە، و خاوەن ئەو پەسەیلە تەنیا پیاو و ژنیگ کوردن، لە نزیک تەمەن ٦٠ ساڵە، کەلاوەیگ وە کرا گردنە، و ژیانیان هابان ئی پەسەیلە، و دوو مامریش دیرن.

فاتمە خان ژن خاوەن پەسەگە وا: دەور ساعەت دوو و سێیەی شەو بوی، پیاوەگە هاتە خەوەر وت؛ پەسەگانمان دزیانە، منیش وتم یە هەنەکی کەێد، تا دیم دەر تەویلەگە وازە، و شویەگەم تواست بچوودە شوینیان، نوای گردم وتم تو تەنیا کەسیگێ، شایەت لەبان ئی پەسەیلە بکوشیەێ، هویچ وەپیمان نیەکریەێد مەگەر بەیمنەی دەس خودا.

پیاوەگە وت: چیمە دادگا سکاڵا لەبان ئی دزیکردنە کردم، و دادوەر وتیە یە ١٦ دزیکردن پەسە لەی ماوەیلە لە ئاوایەیل خانەقین کریەێد.