دوێەتیگ لە دهۆک نازناو باڵوێز ئاشتی وەرگرێد
2021-02-25T06:59:53+00:00
شەفەق نیوز/ رێکخراو «مونتەدا ئەدەبی» ناودەوڵەتی نازناو باڵوێز ئاشتی ئەرا رێکخراوەگە داگە دوێەتیگ وەناو «هەژین فەتاح ریکانی» لە خەڵک پارێزگای دهۆک لە هەرێم کوردستان، لە پێزانین ئەو تەقەلایلە ک لە ئەنجامدان کارە خۆبەخشەگانی و دەسمیەتی ئاوارەگان ئەرا ماوەی دریژیگ.
ریکانی لەبان ماڵپەڕەگەی خوەی لە فەیسبووک نووسان: لەماوەی ١٠ ساڵ لە چین هاوکاری ئاوارە وکۆچبەرەگان کار کردگە، و هیمان ئامادەی وەردەوامی لە ئیجوور کاریگە.
جی باسە ک ریکانی بڕوانامەی بەکالۆریۆس لە بەش پەیوەندیە ناودەوڵەتی و دیبلۆماسەگان لە زانکۆ نەورووز وەرگردگە، وەگەرد کارە خۆبەخشەگانی هەمیش لە چین رۆژنامەوانی کار کەێد، و هەمیش نیاز دیرێد لە چالاکوانی مەدەنی کار بکەێد.
