دویای نزیکەی دوو مانگ لە گومابوینی.. تەرم ئاوارەیگ کورد لە ئەڵمانیا پەیا کریەێد
2021-01-10T08:56:59+00:00
شەفەق نیوز/ یەکێتی ئاوارە عراقیەگان، ئمڕوو یەکشەممە، راگەیان پەیاکردن تەرم ئاوارەیگ لە خەڵک هەرێم کوردستان لە کناراو چەم راین لە ئەڵمانیا، دویای دوو مانگ لە گومابوینی.
یەکێتیەگە لە بەیاننامەیگ ئمڕوو وت: ئاوارەیگ کورد وەناو (ئەیاس حەسەن هرکی) لە رووژ ٢٠٢٠/١١/١٣ روی کردە چەم راین، و لەوە رووژە هیچ خەوەریگ لەلیەو نەوی، و ئاماژە کرد ک پۆلیس شار کۆڵن لە رووژ ٢٠٢٠/١٢/١٣ خەوەریگ وەدەرکردن تەرمیگ لە چەم راین بڵاوکرد، تا ئاموزای مردگەگە پەیوەندی وە پۆلیس بکەێد و نیشانەیل لەشی وەشیوەی ئەیاس حەسەن بوود.
بەیاننامەگە وتیش: لە رووژ ٢٠٢١/١/٧ گەنجەیلیگ لە کەسوکارەیل حەسەن سەردان ناوەند پۆلیس کردن و توێنستن تەرمەگە بناسن، و پۆلیس ئەڵمانیا ئەرا دڵنیایی زیاتر تاقیکردنDNA ئەرا تەرمەگە کرد، و کەسوکارەیلی چەوەڕی دەرچگن ئەنجامەیل تاقیکردنەگە وە شیوەیگ فەرمی کەن.
