دویای شکیانی وە رویداویگ هاتوچو.. دووارە پیەڵ ناودیارترین ناوچەی گەشتیاری لە هەولێر
شەفەق نیوز/ قسەکەر وەرگری شارستانی لە ئیدارەی سەروەخوەیی سۆران، ئمڕوو یەکشەممە، دووارە وازکردن پیەڵ گەلی عەلی بەگ لەنوای جویلەی هاتوچو راگەیان، دویای تەواوکردن کارەیل خاسەوکردنی.
کاروان میراودلی ئەرا ئاژانس شەفەق نیوز وت: پیەڵەگە کەفتە وەر رویداویگ هاتوچو کە پەکی خست، کە رخداری لە ئەگەر رمیانی دروس کرد.
وتیش؛ تیمەیل ئەندازیاری و لایەنەیل پەیوەندیدار، وەزوی دەسکردنە خاسەوکردن زەرەدەیل و دووارە وەکارخستن پیەڵەگە ئەرا مسۆگەرکردن بیوەیی.
وتیش؛ ئەو رەنجەیل هەیە کە تیمە پسپۆڕەیل پیشکەش کردن، رەسیە تەواوبوین کارەیل خاسەوکردنی لە وەختیگ پەیمانەیی، کە پیەڵەگە ئمڕوو وە فەرمی لە نوای جویلەی ماشینەیل واز کریا، ئەرا ئاسانکردن هامشوو ناوەین ناوچەیل، ئەوەیش دویای ١٠ رووژ لە خاسەوکردنی.
لە 27/ 12/ 2024، سەرچەوەیگ خەوەردا کە ماشینیگ بارهەڵگر درویژیگ (ترێلە) داد لە پیەڵ گەلی عەلی بەگ وەناوبانگ، کە وەچ گەورەیگ لەلی دروس کرد، و جموجویل لەبانی پەکی کەفت، کە کەفتە هەڕەشەی رمیان.
