دویای زیاتر لە دوو مانگ..دوارە هاتوچو وەناو تونێل دەربەندیخان وازکریەێد
2022-12-16T15:10:22+00:00
شەفەق نیوز/ قائیمقامیەت قەزای دەربەندیخان سەر وە پارێزگای سلێمانی، ئمڕوو جومعە، راگەیان لەدویای رەدبوین زیاتر لە دوو مانگ کارکردن لە نووسازی، تونێل دەربەندیخان وە روی هاتوچگن رانندەیل وازکریەێد.
سەلمان محەمەد، قائیمقام دەربەندیخان لە کۆنگرەیگ رووژنامەوانی ک لەپەراوێز مەراسیم وازکردن توونێلەگە ئەنجام دریا راگەیان، کارکردن لە نووسازیکردن تونێلەگە 73 رووژ وەپی چگ، وتیش، لەی ماوەیە ک قەیەغەی هاتوچو بارهەڵگرەیل کریایە و ئاراستەیان ئاڵشتکریایە تەنیا یەک رویداو هاتوچوی توومار کریایە.
وتیش، لە ماوەی دوو رووژ ئایندە سەنگ بناغەیەی نوو دەربەندیخان دانریەێد ک رێژەی رویداوەیل 80% کەمەوکەێد.
لە کۆتایی مانگ نیسان حکومەت هەرێم پەیمان نووسازیکردن تونێل دەربەندیخان دا لە پارێزگای سلێمانی ک زەرەد گەپیگ وەپی رەسیبوێد لە ئەنجام ئاگرگردن چەن ماشینیگ لەناوی.
