دویای رمیان ئەسەد.. ئازادکردن سەربازیگ پیشمەرگە لەناو زیندانەیل سوریا

شەفەق نیوز/ سەرچەوەیگ ناوخوەیی، ئمڕوو یەکشەممە، خەوەردا لە مەرەقەزبوین ئەندامیگ لە هیزەیل پیشمەرگە لە زیندانەیل سوریا، ئەوەیش دویای راگەیانن رمیان رژیم سوریا وەشیوەی فەرمی وەزەس ئۆپۆزسیۆن چەکدار.

  سەرچەوەگە ئەرا ئاژانس شەفەق نیوز وت: ئەندامیگ لە هیزەیل پیشمەرگە لە زیندانەیل سوریا مەرەقەز کریا لە، دویای رمیان رژیم ئەسەد، ئەوەیش دویای ١٠ ساڵ لە زیندانی.

وتیش: ئەو پیشمەرگە کە ئازاد کریا وەناو عیسا سولەیمان خەڵک ئاکرێ، لە ساڵ ٢٠١٤ ریخریاگ داعش دیلی کردگە، لە شار موسڵ، کە لەورا دویای لەدەسدان ناوچەیل لەلایەن داعش ئەرا سوریا بردیەسەی، ئیجا کەفتە دەس رژیم سوریا و تا ئی ماوە لە زیندان بویە.

سەرچەوەگە دیاری کرد کە عیسا سولەیمان لە موسڵ کەفتە دەس داعش، ئیجا ئەرا سوریا بریا، تا رمیانی لەناو زیندان بمینێد.