دویای تووپارانیکردنییش.. هیمان سەیرانگای بەرخ مەردم فرەیگ روی وەپی کەێد
شەفەق نیوز/ محمد نەزیف وەڕیەوبەر گەشتوگوزاری لە قەزای عمادیە، ئمڕوو سێشەممە، دووپات کرد ک کەرت گەشتوگوزاری لە قەزاگە کاریگەری نەوی دویای ئەو تووپوارانە ک لە هەفتەی گوزەشتە سەیرانگای بەرخ کردە ئامانج.
نەزیف لە وتاریگ ئەرا ئاژانس شەفەق نیوز وت: جویلەی گەشتیاری دویای رویداو سەیرانگای بەرخ کاریگەر نەوی، باوجی وەپیچەوانەوە ک وە شیوەی خاسیگ کاریگەر بوێ، و جویلەی گەشتیاری لە عمادیە بویە روی سەرکەی ئەرا گەشتیارەیل لە پارێزگای دهۆک، وبویە جیگریگ ئەرا رویەیل گەشتیاری زاخۆ.
نەزیف وتیش: شمارەی ئەو گەشتیارەیلە ک لە یەکەم رووژ جەژن قوربان سەردان قەزاگە کردنە رەسیە زیاتر لە ٩٨ هەزار گەشتیار لە ناوڕاس و باشوور عراق هاتنەسە شوینەیل گەشتوگوزاری لە قەزای عمادیە.
وتیش: ئەو جەنگە ناوبەین تورکیا وپەکەکە ک یە زیاتر لە بیس ساڵ لە ناوچەگە وەردەوامە، کاریگەری گەورەیگ لەبان کەرت گەشتوگوزاری لە قەزاگە داشت.
لەلایگتر، دڵشێر عەبدولسەتار وەڕیەوبەر ناحیەی دەرکار وازکردن دوو شوین گەشتوگوزاری لەناحیەگە راگەیان، دویای بەسیانیان لەدویای تووپوارانەگە، ک هەرلە تاڤگەی شرانش وئەشکەفت بهێری، ک نزیکن لە سەیرانگای بەرخ ک لە هەفتەی گوزەشتە کەفتە وەر تووپواران، ک بویە هووکار کوشیان قوربانی وەگەرد بڕیگ زەخمدار.
